.png)
വൈപ്പിൻ : (piravomnews.in) ശാരീരിക–-മാനസിക വെല്ലുവിളികൾ നേരിടുന്ന ശയ്യാവലംബിയായ ഇരുപത്തേഴുകാരി ജിയയ്ക്ക് കെ എൻ ഉണ്ണിക്കൃഷ്ണൻ എംഎൽഎയുടെ പദ്ധതിയില്‍ വീടൊരുങ്ങുന്നു.
തെക്കൻ മാലിപ്പുറം ജിയ നെൽസണിന്റെ വീടിന് എംഎൽഎയും സാജ് ഗ്രൂപ്പ് എംഡി സാജൻ വർഗീസും ചേർന്ന് കല്ലിട്ടു. മാധ്യമപ്രവർത്തകൻ പി പി ജയിംസ് വിശിഷ്ടാതിഥിയായി.
പഞ്ചായത്ത് പ്രസിഡന്റ്‌ രസികല പ്രിയരാജ്, ബ്ലോക്ക് പഞ്ചായത്ത് അംഗം ക്ലാര സൈമൺ, ജിയ ഭവന മേൽനോട്ടസമിതി ജനറൽ കൺവീനർ ആൽബി കളരിക്കൽ, റസിഡന്റ്‌സ്‌ അസോസിയേഷൻ പ്രസിഡന്റ്‌ മറ്റത്തിൽ ഹെൻസൻ ജോസഫ് എന്നിവർ സംസാരിച്ചു.ജിയയും അമ്മ ഹേനയും 25 വർഷത്തിലേറെയായി വാടകവീട്ടിലാണ്.
അച്ഛന്‍ കണ്ണന്തറ നെൽസണിന്റെ വേർപാടോടെ ജിയയുടെ ചികിത്സപോലും മുടങ്ങി. തുടര്‍ന്നാണ് ജനകീയ പങ്കാളിത്തത്തോടെ ജിയ ഭവനപദ്ധതിയുമായി കെ എൻ ഉണ്ണിക്കൃഷ്ണൻ എംഎൽഎ രംഗത്തെത്തിയത്.
Stones were thrown at Jiah's house
