.png)
വൈപ്പിൻ : (piravomnews.in) വൈപ്പിൻ മണ്ഡലത്തിനാകെ സന്തോഷം പകർന്ന്‌ ടൂറിസം പദ്ധതി ഒരുങ്ങുന്നു. ബീച്ച് ടൂറിസം ഇടനാഴി പദ്ധതിക്ക് 2.96 കോടി രൂപ അനുവദിച്ചതായി കെ എൻ ഉണ്ണിക്കൃഷ്ണൻ എംഎൽഎ അറിയിച്ചു.
കുഴുപ്പിള്ളി, മുനമ്പം, ചെറായി ബീച്ചുകളുടെ നവീകരണത്തിനും സൗന്ദര്യവൽക്കരണത്തിനുമാണ്‌ വിനോദസഞ്ചാരവകുപ്പ് തുക അനുവദിച്ചത്.
മൂന്ന് ബീച്ചുകളിലായി നടപ്പാതകളുടെ നവീകരണം, അടിസ്ഥാനസൗകര്യം വർധിപ്പിക്കൽ, കൈവരികളും ഇരിപ്പിടങ്ങളും ഒരുക്കൽ, സ്നാക്സ് ബാറുകൾ, കുട്ടികളുടെ കളി ഉപകരണങ്ങൾ, ഓപ്പൺ ജിം, പാർക്കിങ്‌ ഏരിയ, പൊലീസ്‌ കൺട്രോൾ റൂം, വൈദ്യുതിവിളക്കുകൾ, നിലവിലുള്ള ശുചിമുറിയുടെ നവീകരണം, സൗന്ദര്യവൽക്കരണം എന്നിവ പദ്ധതിയിൽ ഉൾപ്പെടുത്തിയിട്ടുണ്ട്.
തിരുവനന്തപുരത്ത് ചേർന്ന വിനോദസഞ്ചാരവകുപ്പിന്റെ വർക്കിങ്‌ ഗ്രൂപ്പ് യോഗത്തിലാണ്‌ പദ്ധതിക്ക് ഭരണാനുമതി ലഭിച്ചതെന്ന് എംഎൽഎ വ്യക്തമാക്കി.
A tourism project is being prepared to bring joy to the entire Vypeen constituency.
_(8).jpeg)
.png)
