ആരോഗ്യം ആനന്ദം: 
രണ്ടാംഘട്ടത്തിന് ജില്ലയിൽ തുടക്കം

കൊച്ചി : (piravomnews.in) ‘ആരോഗ്യം ആനന്ദം’ അർബുദ പ്രതിരോധ ജനകീയ ക്യാമ്പയിന്റെ രണ്ടാംഘട്ടത്തിനും ലോക പുകയിലവിരുദ്ധ ദിനാചരണത്തിനും ജില്ലയിൽ തുടക്കമായി.

ചങ്ങമ്പുഴ പാർക്കിൽ മേയർ എം അനിൽകുമാർ ഉദ്ഘാടനം ചെയ്‌തു. ജില്ലാ മെഡിക്കൽ ഓഫീസർ ഡോ. ആശാദേവി അധ്യക്ഷയായി. ഡെപ്യൂട്ടി ജില്ലാ മെഡിക്കൽ ഓഫീസർ ഡോ. കെ സവിത വിഷയാവതരണം നടത്തി. ലീഗൽ സർവീസ് അതോറിറ്റി ജില്ലാ ജഡ്‌ജി രജിത, പുകയിലവിരുദ്ധപ്രതിജ്ഞ ചൊല്ലിക്കൊടുത്തു.

Also read: വിചിത്രനടപടിയുമായി കോൺഗ്രസ്‌; വാദിയെയും പ്രതിയെയും പുറത്താക്കി

പൊതുജനാരോഗ്യരംഗത്തെ വിശിഷ്ടസേവനത്തിന്‌ ഡെപ്യൂട്ടി ജില്ലാ മെഡിക്കൽ ഓഫീസർ ഡോ. സവിത, റിട്ട. പൊലീസ് സൂപ്രണ്ട് ജോസഫ് സജുഎന്നിവർക്ക് മേയർ ഉപഹാരം നൽകി. പുകയിലരഹിതമായി പ്രഖ്യാപിച്ച മൂന്ന്‌ വിദ്യാലയങ്ങൾക്ക്‌ സർട്ടിഫിക്കറ്റുകൾ വിതരണം ചെയ്തു. കൗൺസിലർ ദീപ വർമ, സി എം ശ്രീജ, രംഗദാസ പ്രഭു, സജു ഇട്ടി എന്നിവർ സംസാരിച്ചു.

ഗവ. നഴ്സിങ്‌ കോളേജ് വിദ്യാർഥികളുടെ ബോധവൽക്കരണ കലാപരിപാടികൾ, അസി. എക്‌സൈസ് കമീഷണർ മുഹമ്മദ് ഹാരീഷ് നയിച്ച ബോധവൽക്കരണ ക്ലാസ്, പോസ്റ്റർ പ്രകാശനം, പുകയിലയ്‌ക്കെതിരെയുള്ള ഒപ്പുശേഖരണം, സെമിനാർ എന്നിവയും സംഘടിപ്പിച്ചു.

Also read: ഇടുക്കി ഉടുമ്പഞ്ചോലയിൽ യുവതിയുടെ മൃതദേഹം കുളത്തിൽ നിന്ന് കണ്ടെത്തി

Health and happiness: The second phase begins in the district