ഓസ്ട്രേലിയ പെർത്തിൽ മലയാളിയായ യുവ പൈലറ്റ് ബൈക്ക് അപകടത്തിൽ മരിച്ചു. പെർത്തിൽ സ്ഥിരതാമസമാക്കിയ കോട്ടയം തീക്കോയി സ്വദേശികളായ റോയൽ തോമസിന്റെയും ഷീബയുടേയും മകൻ ആഷിക് ആണ്‌ മരിച്ചത്. കാറും ബൈക്കും കൂട്ടിയിടിച്ചായിരുന്നു അപകടം. ബൈക്ക് യാത്രികനായ ആഷിക് സംഭവ സ്ഥലത്ത് വെച്ചുതന്നെ മരിച്ചതായി സ്ഥിരീകരിക്കുകയായിരുന്നു. ഏതാനും വർഷം മുമ്പായിരുന്നു ആഷിക് പെർത്തിലെ ഫ്ലയിങ്ങ് ക്ളബിൽ പരിശീലനം പൂർത്തിയാക്കി പൈലറ്റ് ലൈസൻസ് സ്വന്തമാക്കിയത്. പൈലറ്റ് ലൈസൻസ് കിട്ടിയ ശേഷം തുടർന്ന് കുടുംബത്തേ അടക്കം വിമാനത്തിൽ കയറ്റി തനിയേ ഓടിക്കുന്ന വീഡിയോയും സോഷ്യൽ മീഡിയയിൽ വൈറലായിരുന്നു.
അയർലന്റിൽ ഡബ്ളിനിൽ ആയിരുന്നു റോയൽ തോമസും കുടുംബവും ആദ്യ പ്രവാസ കാലം നയിച്ചത്. അയർലന്റിൽ 10 വർഷത്തോളം പ്രവാസി ജീവിതത്തിനു ശേഷം 12 വർഷം മുമ്പാണിവർ ഓസ്ട്രേലിയയിൽ കുടിയേറിയത്.
A young Malayali pilot died in a bike accident in Australia.
