പുത്തന്‍കുരിശ് : (piravomnews.in) യാക്കോബായ സഭാ കാതോലിക്ക ബസേലിയോസ് തോമസ് പ്രഥമന്‍ ബാവായുടെ 30–--ാം ഓര്‍മദിനത്തില്‍ എല്ലാ പള്ളികളിലും കുര്‍ബാനയും അനുസ്മരണ സമ്മേളനവും നടത്തി. ബാവായുടെ കബറിടം സ്ഥിതിചെയ്യുന്ന പുത്തന്‍കുരിശ് പാത്രിയര്‍ക്കാ സെന്ററിലെ സെന്റ് അത്തനേഷ്യസ് കത്തീഡ്രലില്‍ ആയിരങ്ങള്‍ പങ്കെടുത്തു.
മൂന്നിന്മേല്‍ കുര്‍ബാനയില്‍ ഡോ. കുര്യാക്കോസ് മോര്‍ തെയോഫിലോസ് മെത്രാപോലീത്ത കാര്‍മികനായി. മെത്രാപോലീത്തമാരായ ഐസക് മോര്‍ ഒസ്താത്തിയോസ്, ഡോ. മാത്യൂസ് മോര്‍ അന്തിമോസ് എന്നിവര്‍ സഹകാര്‍മികരായി.
മലങ്കര മെത്രാപോലീത്ത ജോസഫ് മോര്‍ ഗ്രിഗോറിയോസ്, മെത്രാപോലീത്തമാരായ ഡോ. മാത്യൂസ് മോര്‍ ഈവാനിയോസ്, ഡോ. ഏലിയാസ് മോര്‍ അത്തനാസിയോസ്, യാക്കോബ് മോര്‍ അന്തോണിയോസ്, മാത്യൂസ് മോര്‍ തിമോത്തിയോസ് എന്നിവര്‍ സംസാരിച്ചു.
കൊച്ചി ഭദ്രാസന യൂത്ത് അസോസിയേഷന്‍ തയ്യാറാക്കിയ സപ്ലിമെന്റ് "ധന്യമീ ശ്രേഷ്ഠജീവിതം' ജോസഫ് മോർ ഗ്രിഗോറിയോസ് മെത്രാപോലീത്ത പ്രകാശിപ്പിച്ചു.
#Catholic #Bava's 30th #Memorial #Day was #observed
.jpeg)
.jpg)
