തൃശൂരില് നിയന്ത്രണം വിട്ട ലോറി കയറി രണ്ടു കുട്ടികള് ഉള്പ്പെടെ അഞ്ച് മരണം

തൃശൂർ.... തൃശൂരിൽ നിയന്ത്രണം വിട്ട ലോറി കയറി രണ്ടു കുട്ടിക്കൾ ഉൾപ്പടെ അഞ്ചു പേർ മരിച്ചു. തൃശൂർ നാട്ടികയിൽ തടികയറ്റി വന്ന ലോറി നിയന്ത്രണം വിട്ട് പാഞ്ഞുകയറിയാണ് അപകടം.മരിച്ച അഞ്ച് പേരും നാടോടികളാണ്. നാട്ടിക ജെകെ തിയ്യേറ്ററിനടുത്താണ് ദയനീയ സംഭവമുണ്ടായത്. രണ്ടു കുട്ടികൾ ഉൾപ്പടെ അഞ്ചു പേരാണ് അപകടത്തിൽ മരിച്ചത്. ഇവർ ഉറങ്ങിക്കിടന്ന സ്ഥലത്തേക്ക് ലോറി പാഞ്ഞുകയറുകയായിരുന്നു.

Also read: #accident | വളവ് തിരിയുന്നതിനിടെ നിയന്ത്രണം വിട്ട കാര്‍ പുഴയിലേക്ക് മറിഞ്ഞു

പുലർച്ചെ നാലു മണിയോടെയാണ് അപകടം സംഭവിച്ചത്. കിടന്നുറങ്ങിയ സംഘത്തിൽ 10 പേർ ഉണ്ടായിരുന്നു. കണ്ണൂരിൽ നിന്ന് കൊച്ചിയിലേക്ക് പോവുന്ന വാഹനമാണ് അപകടത്തിൽ പെട്ടത്. തടി കയറ്റി കണ്ണൂരിൽ നിന്ന് വന്ന ലോറിയാണ് ആളുകൾ ഉറങ്ങിക്കിടന്നയിടത്തേക്ക് ഇടിച്ചുകയറിയത്. കാളിയപ്പൻ (50), ജീവൻ (4), നാഗമ്മ (39), ബംഗാഴി (20) എന്നിവരാണ് മരിച്ചവരിലുള്ളത്. ഏഴു പേർക്ക് പരിക്കേറ്റിട്ടുണ്ട്. ഇവരെ തൃശൂർ മെഡിക്കൽ കോളേജിലേക്ക് മാറ്റി. മൃതദേഹങ്ങൾ ആശുപത്രിയിലേക്ക് മാറ്റി. ഡ്രൈവർ ഉറങ്ങിപ്പോയതാകാമെന്നാണ് പ്രാഥമിക നി​ഗമനം. ഡ്രൈവറെ പൊലീസ് കസ്റ്റഡിയിലെടുത്തു. പൊലീസ് സ്ഥലത്തെത്തി അന്വേഷണം ആരംഭിച്ചു

5 dead including two children after lorry went out of control in Thrissur