കോഴിക്കോട്: വീട്ടിലെ അടുക്കളയില്‍ കളിക്കുന്നതിനിടയില്‍ അബദ്ധത്തില്‍ രണ്ടര വയസുകാരിയുടെ തലയില്‍ സ്റ്റീല്‍ പാത്രം കുടുങ്ങി. താമരശ്ശേരി അടിവാരം സ്വദേശി കൂളമടത്ത് പുളിക്കല്‍ ജംഷീദിന്റെ മകള്‍ രണ്ടര വയസുകാരി അസാ സഹറയുടെ തലയിലാണ് സ്റ്റീൽ പാത്രം കുടുങ്ങിയത്. ഏറെ നേരെ ശ്രമിച്ചിട്ടും തലയില്‍ നിന്ന് സ്റ്റീല്‍ പാത്രം പുറത്തെടുക്കാന്‍ സാധിക്കാത്തതിനാൽ വീട്ടുകാർ അഗ്നിരക്ഷാസേനയുടെ സഹായം തേടുകയായിരുന്നു. തലയിൽ സ്റ്റീൽ പാത്രം കുടുങ്ങിയ കുഞ്ഞുമായി ജംഷീദ് മുക്കം അഗ്നിരക്ഷാ നിലയത്തില്‍ എത്തി. ഒട്ടും വൈകാതെ തന്നെ അഗ്നിരക്ഷാ സേനാംഗങ്ങൾ തലയിൽ കുടുങ്ങിയ സ്റ്റീല്‍ പാത്രം പുറത്തെടുത്തു.
A two-and-a-half-year-old girl got a pot stuck on her head; Agni Raksha Sena as rescuers.
