കോട്ടയം: വിൽപനക്ക് പൊതികളാക്കുന്നതിനിടയിൽ ഒരു കിലോയിൽ അധികം കഞ്ചാവുമായി യുവാവ് പിടിയിൽ. തിരുവാർപ്പ് പത്തിൽ വീട്ടിൽ താരിഫ് (20) ആണ് അറസ്റ്റിലായത്. ഇയാൾക്കൊപ്പമുണ്ടായിരുന്ന നിരവധി ക്രിമിനൽ കേസുകളിലെ പ്രതിയും ജില്ലയിലെ പ്രധാന കഞ്ചാവ്' കച്ചവടക്കാരനുമായ കൊച്ചുപറമ്പിൽ വീട്ടിൽ ബാദുഷ ഷാഹുലിനെ പിടികൂടാനായില്ല. ഇയാളെ രണ്ടാം പ്രതിയാക്കി കേസെടുത്തു. രഹസ്യവിവരത്തിൻ്റെ അടിസ്ഥാനത്തിലാണ് വേളൂർ ഗ്രാമീൺചിറ ബൈപാസിൽ പരിശോധന നടത്തിയത്. പിടിയിലാവുമ്പോഴും ഇയാളുടെ ഫോണിലേക്ക് നിരവധി പേർ കഞ്ചാവ് ആവശ്യപ്പെട്ട് വിളിക്കുന്നുണ്ടായിരുന്നു. കഞ്ചാവിൻ്റെ ഉറവിടം കണ്ടു പിടി ക്കാനും മറ്റ് പ്രതികൾ ഉൾപ്പെട്ടിട്ടുണ്ടോ എന്നറിയാനും എക്സൈസ് അന്വേഷണം ശക്തമാക്കി.പ്രതിയെ കോടതിയിൽ ഹാജരാക്കി.
Young man arrested with more than 1 kg of ganja.
