തൊടുപുഴ: തൊടുപുഴ കാർഷിക ഗ്രാമ വികസന ബാങ്ക് ജീവനക്കാരൻ 34 ഗ്രാം എം.ഡി.എം.എയുമായി പോലീസ് പിടിയിൽ. തൊടുപുഴ പെരുമ്പിള്ളിച്ചിറ കറുക ടാൻസൻ വീട്ടിൽ റെസിൻ ഫാമിനാണ് (29) വാഹന പരിശോധനക്കിടെ തൊടുപുഴ പൊലീസിൻ്റെ പിടിയിലായത്. ഇയാളുടെ പക്കൽ 60 ഗ്രാം എം.ഡി.എം.എ. ഉണ്ടായിരുന്നതായും ഇതിൽ നിന്ന് വിറ്റ ശേഷമുള്ള 34 ഗ്രാം ആണ് പിടിച്ചെടുത്തതെന്നും പൊലീസ് അറിയിച്ചു. റെസിൻ്റെ വിദേശത്തുള്ള സുഹൃത്ത് മുഖേനയാണ് എം.ഡി.എം.എ. എത്തിച്ചതെന്നും എറണാകുളത്തു നിന്നും കൊണ്ടുവന്ന് തൊടുപുഴയിൽ വിൽപന നടത്തുന്നതിനിടയിലാണ് പിടിയിലായതെന്നുമാണ് പൊലീസ് പറയുന്നത്.
വ്യാഴാഴ്‌ച പുലർച്ചെ ഒന്നോടെ പെരുമ്പിള്ളിച്ചിറ ബൈപാസ് റോഡിൽ വെച്ചാണ് റെസിനെ പൊലീസ് അറസ്റ്റ് ചെയ്തത്. കുറച്ചുനാളുകളായി റെസിനെ പൊലീസ് നിരീക്ഷിച്ചു വരികയായിരുന്നു.
Agricultural Rural Development Bank employee caught with 34 grams of MDMA.
