വൈപ്പിൻ : (piravomnews.in) വാൻ രണ്ട് ഓട്ടോറിക്ഷകളിലും സ്കൂട്ടറിലും വൈദ്യുതത്തൂണിലും ഇടിച്ച്‌ നാലുപേർക്ക്‌ പരിക്കേറ്റു.
ഓട്ടോയിലുണ്ടായിരുന്ന രാജേഷ്, ധർമൻ എന്നിവരെ മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു.മറ്റൊരു ഓട്ടോഡ്രൈവർ ബിജു, വാൻ ഡ്രൈവർ അരുൺ എന്നിവർക്കും പരിക്കുണ്ട്.
പുതുവൈപ്പ് ജങ്ഷനിലാണ് സംഭവം. വാനിടിച്ച് ഒരു തെരുവുനായയും ചത്തു. വാനിന്റെ മുൻഭാഗവും ഓട്ടോകളും തകർന്നിട്ടുണ്ട്. സ്കൂട്ടറിനും കേടുപറ്റി. കോൺക്രീറ്റ് വൈദ്യുതത്തൂണ്‌ ഒടിഞ്ഞു.
ഓട്ടോറിക്ഷ മറ്റൊരു വാഹനത്തെ മറികടക്കുന്നതിനിടയിൽ വേഗത്തിൽ എത്തിയ വാൻ ഇടിക്കുകയായിരുന്നു. റോഡിൽനിന്ന്‌ തെന്നി ഫുട്പാത്തിലേക്കു കയറിയ വാൻ ഓച്ചന്തുരുത്ത് സഹകരണബാങ്ക്‌ മെഡിക്കൽ സ്റ്റോറിന്റെ ബോർഡ് തകർത്തു. വീണ്ടും റോഡിലേക്കുകയറി വൈദ്യുതത്തൂണിൽ ഇടിച്ചുനിന്നു.
The van #rammed into two #autorickshaws, a #scooter and an #electric #pole, #injuring four #people
.jpeg)
