വൈക്കം : ഉദയനാപുരം ശ്രീ സുബ്രഹ്മണ്യ സ്വാമി ക്ഷേത്രത്തിലെ 11 വയസ്സുകാരി ഗംഗ ശശീന്ദ്രന്റെ മാന്ത്രിക വിരലുകളിൽ വിരിയുന്ന വയലിൻ നാദ വിസ്മയം നേരിൽ കണ്ട് ആസ്വദിക്കാൻ പതിനായിരങ്ങൾ ക്ഷേത്രകലാമണ്ഡപത്തിൽ എത്തിച്ചേർന്നു. വയലിൻ മാന്ത്രികൻ സിഎസ് അനുരൂപും, കേരളക്കരയുടെ അഭിമാനമായ കുമാരി ഗംഗ ശശീധരന്റെ നാദ വിസ്മയത്തിന് തവിൽ തൃപ്പൂണിത്തുറ ശ്രീകുമാറും, ഘടം മാഞ്ഞൂർ ഉണ്ണികൃഷ്ണൻ, റിഥംപാട് വൈക്കം വിജയകുമാർ,കീബോർഡ് ചേർത്തല സുനിൽലാൽ എന്നിവർ പക്കമേളം ഒരുക്കി. ക്ഷേത്ര ഉപദേശക സമിതി പ്രസിഡണ്ട് വി ആർ ചന്ദ്രശേഖരൻ നായർ, സെക്രട്ടറി ഗിരീഷ് കെ എൻ, ഉദയനാപുരം സബ് ഗ്രൂപ്പ് ഓഫീസർ വിനീത് എം എസ് ഉൾപ്പെടെ നിരവധി പേർ ഗംഗ ശശിധരനെ പൊന്നാട ആണിയിച്ച് ആദരിച്ചു.
Ganga Sasidharan, who is the pride of the Kerala region, is amazing on the violin.
