വൈക്കം: കവിയും ഗാനരചയിതാവുമായ പി.ഭാസ്കരൻ്റെ ജന്മശതാബ്ദി വർഷത്തിൽ ഡൽഹി -വൈക്കം സംഗമം മലയാളി അസോസിയേഷൻ പ്രഖ്യാപിച്ച പി.ഭാസ്കരൻ ജന്മശതാബ്ദി പുരസ്കാരം, കവി അരവിന്ദൻ കെ.എസ്. മംഗലത്തിനു നൽകുവാൻ പുരസ്കാരസമിതി തീരുമാനിച്ചു. അദ്ദേഹത്തിൻ്റെ 'കവര് ' എന്ന കവിതാസമാഹാരമാണ് അവാർഡിനർഹമായ കൃതി. 25,000 രൂപയും ശില്പവും പ്രശസ്തിപത്രവുമടങ്ങുന്ന അവാർഡ് 2024 നവംബർ 23 - ന് ഡൽഹി മയൂർ വിഹാറിലുള്ള ഉത്തരഗുരുവായൂരപ്പൻ ടെമ്പിളിലെ കാർത്ത്യായനി ഓഡിറ്റോറിയത്തിൽ നടക്കുന്ന ചടങ്ങിൽ പ്രശസ്ത കവിയും ഗാനരചയിതാവുമായ ശ്രീകുമാരൻ തമ്പി സമ്മാനിക്കും.
ഡൽഹി വൈക്കം സംഗമം മലയാളി അസോസിയേഷൻ പ്രസിഡണ്ട് അജിത്ത് മഴുവഞ്ചേരിൽ, സെക്രട്ടറി ഷെർലിരാജൻ എന്നിവർ വാർത്താസമ്മേളനത്തിൽ അറിയിച്ചു.
P Bhaskaran Birth Centenary Award to Aravindan KS Mangalam
