എറണാകുളം: (piravomnews.in) ലോട്ടറി അടിച്ച തുക കൈപറ്റി ഒരാഴ്ച പിന്നിടുന്നത് മുൻപ് വയോധികന് ദാരുണാന്ത്യം.
കടയിരുപ്പ് ഏഴിപ്രം മനയത്ത് വീട്ടിൽ യാക്കോബ് (75 ) ആണ് അപകടത്തില്‍ മരിച്ചത്. മൂന്ന് മാസം മുന്‍പ് ആയിരുന്നു ഇദ്ദേഹത്തിന് സ്ത്രീ ശക്തി ലോട്ടറിയുടെ ഒന്നാം സമ്മാനമായ 75 ലക്ഷം രൂപ ലഭിച്ചത്.
മൂന്നാഴ്ച മുന്‍പ് തുക യാക്കോബ് കൈപറ്റുകയും ചെയ്തിരുന്നു. ഇതിനിടെ ആയിരുന്നു കുടുംബത്തെ ഒന്നാകെ സങ്കടത്തിലാഴ്ത്തി അപകടമുണ്ടായത്.
കോലഞ്ചേരിക്ക് സമീപം മൂശാരിപ്പടിയില്‍ തിങ്കളാഴ്ച വൈകിട്ടാണ് അപകടം നടന്നത്. മൂശാരിപ്പടിയില്‍ നിന്നും വരികയായിരുന്ന യാക്കോബ് കടയിലേക്ക് തിരിയുന്നതിനിടെ എതിരെ വന്ന ബൈക്കുമായി കൂട്ടിയിടിച്ചു.
അപകടത്തില്‍ ഗുരുതരമായി പരിക്കേറ്റ ഇയാളെ ആശുപത്രിയില്‍ പ്രവേശിപ്പിച്ചുവെങ്കിലും ഇരുപത്തി ഒന്‍പതാം തീയതി മരണത്തിന് കീഴടങ്ങുകയായിരുന്നു. കാര്‍ ഷോറൂം ജീവനക്കാരനായിരുന്നു യാക്കോബ്.
An #elderly man met a #tragic end before a #week #passed after #receiving the lottery #winnings
.jpeg)
.jpeg)
.jpeg)
