കൊച്ചി : (piravomnews.in) കൊച്ചിയിൽ വാഹനാപകടത്തിൽ യുവതിക്ക് ദാരുണാന്ത്യം. പള്ളുരുത്തി സ്വദേശിനി സനിലയാണ് മരിച്ചത്.
അപകടത്തിൽ രണ്ട് പേർക്ക് പരിക്കേറ്റു. സ്കൂട്ടറും ബൈക്കും കൂട്ടിയിടിച്ചായിരുന്നു അപകടം. ബൈക്ക് പൂർണമായും കത്തിനശിച്ചു.
മാടവന സിഗ്നലിന് സമീപത്ത് ചൊവ്വാഴ്ച രാവിലെയായിരുന്നു അപകടം. അരൂർ ഭാഗത്ത് നിന്ന് വൈറ്റില ഭാഗത്തേക്ക് വരുകയായിരുന്ന സ്കൂട്ടറിലേക്ക് മറ്റൊരു ബൈക്ക് തട്ടുകയായിരുന്നു.
തുടർന്ന് നിയന്ത്രണം വിട്ട സ്കൂട്ടർ മീഡിയൻ കടന്ന് എതിർ ദിശയിൽ വന്ന ബൈക്കിലേക്ക് ഇടിച്ചു. ബൈക്ക് കത്തിനശിച്ചു. തലയ്ക്കേറ്റ പരിക്കാണ് സനിലയുടെ മരണകാരണമെന്നാണ് പ്രാഥമിക നിഗമനം.
#Young #woman dies in car #accident; Two #people were #injured