പെരുമ്പാവൂർ : (piravomnews.in) ഒക്കൽ സഹകരണ ബാങ്ക് നിർമിച്ച അഗ്രോ ഫുഡ്സ് മില്ലിന്റെ പ്രവർത്തനം ആരംഭിച്ചു. മന്ത്രി പി രാജീവ് ഉദ്ഘാടനം ചെയ്തു. ബാങ്ക് പ്രസിഡന്റ് ടി വി മോഹനൻ അധ്യക്ഷനായി.
ഒക്കൽ നമ്പിള്ളി കവലയിൽ വാങ്ങിയ 64 സെന്റിൽ അരി, അരി ഉൽപ്പന്നങ്ങൾ, കറി പൗഡർ എന്നിവ സ്വന്തമായി ഉൽപ്പാദിപ്പിച്ച് കോ–-ഓപ്പ് മാർട്ടിലൂടെ വിറ്റഴിക്കുന്നതിനാണ് പദ്ധതി തുടങ്ങിയത്. ഓസ്കോ ബ്രാൻഡിലാണ് ഉൽപ്പന്നങ്ങൾ വിൽക്കുക.
നെല്ലും പച്ചക്കറിയും ബാങ്ക് സ്വന്തമായി ഉൽപ്പാദിപ്പിക്കുന്നുണ്ട്. ജില്ലാ പഞ്ചായത്ത് അംഗം ശാരദ മോഹൻ, വി പി ശശീന്ദ്രൻ, കെ ഡി ഷാജി, ടി എൻ മിഥുൻ, എം കെ രാജഗോപാൽ, കെ പി ലാലു, രമേശ് ചന്ദ് എന്നിവർ ചടങ്ങിൽ സംസാരിച്ചു.
OkalAgroFoods #Mill #started #functioning