എളങ്കുന്നപ്പുഴ : (piravomnews.in) റോ റോയിൽ കയറുന്നതിനിടെ യാത്രക്കാരന്റെ ഇലക്ട്രിക് സ്കൂട്ടർ കായലിൽ വീണു. യാത്രക്കാരൻ പെട്ടെന്നു ജെട്ടിയിലേക്കു ചാടിയതിനാൽ രക്ഷപ്പെട്ടു.
സ്കൂട്ടർ റോ റോയിലേക്കു കയറ്റുന്നതിനിടയിൽ പെട്ടെന്നു നിശ്ചലമായി. വീണ്ടും ഓടിച്ചു കയറ്റാനുള്ള ശ്രമത്തിനിടയിലാണു കായലിൽ പതിച്ചത്. ഭാര്യയെയും കുട്ടിയെയും റോ റോയിലേക്കു കയറ്റിയശേഷം സ്കൂട്ടർ ഓടിച്ചു കയറ്റുകയായിരുന്നു.
വൈപ്പിനിൽ നിന്നു ഫോർട്ട്കൊച്ചിയിലേക്കു പോകാൻ വൈപ്പിൻ ജെട്ടിയിൽ വാഹനങ്ങൾ കയറ്റുന്നതിനിടയിൽ വൈകിട്ട് 5ന് ആണ് സംഭവം.
റോറോയിലെ തൊഴിലാളികൾ സ്കൂട്ടർ വലിച്ച് കയറ്റാൻ ശ്രമിച്ചെങ്കിലും വിഫലമായി. അഗ്നിരക്ഷാ സേന എത്തി തിരച്ചിൽ നടത്തിയിട്ടും സ്കൂട്ടർ കണ്ടെത്താനായില്ല. വേലിയിറക്കവും ശക്തമായ അടിയൊഴുക്കും തിരച്ചിലിനു പ്രതിബന്ധമായി.
The #scooter fell into the #embankment while being #loaded onto the row row; #Miraculous #escape for the #traveler