കോതമംഗലം : (piravomnews.in) വലിയ നിശാശലഭമായ അറ്റ്ലസ് മോത്ത് വാരപ്പെട്ടിയിൽ വിരുന്നെത്തി. പരിയാരത്ത് സിസിലിയുടെ പുരയിടത്തിലാണ് നിശാശലഭത്തെ കണ്ടെത്തിയത്.
അറ്റാക്കസ് ടാപ്രാബാനിസ് എന്ന ശാസ്ത്രനാമമുള്ള ഇവയെ നിബിഡ വനപ്രദേശങ്ങളിലാണ് കണ്ടുവരുന്നത്. ചുവപ്പ് കലർന്ന തവിട്ടുനിറമാണ്.
മുൻ ചിറകുകളിൽ പാമ്പിന്റെ രൂപസാദൃശ്യവും പാമ്പിന്റെ കണ്ണുകളെപ്പോലെ കറുത്ത പൊട്ടുകളുമുള്ളതിനാൽ ഇതിനെ സർപ്പശലഭം എന്ന് വിളിക്കുന്നുണ്ട്.
സാധാരണ ശലഭങ്ങളെപ്പോലെ ജീവിതചക്രമുള്ള ഇവ നിത്യഹരിതവൃക്ഷങ്ങളുടെ ഇലകളിലാണ് മുട്ടയിടുന്നത്. രണ്ടുമാസംമാത്രമേ ആയുസ്സുള്ളൂ. അത്യപൂർവ ശലഭത്തെ കാണാൻ നിരവധിപേർ എത്തുന്നുണ്ട്.
'#AtlasMoth' #Feasts on #Warapetti