മൂവാറ്റുപുഴ: (piravomnews.in) സ്ത്രീകൾ അടക്കം നിരവധി പേർ ദിനേന എത്തുന്ന മൂവാറ്റുപുഴ സിവില് സ്റ്റേഷനിൽ പ്രാഥമിക കാര്യങ്ങൾ നിർവഹിക്കാൻ സൗകര്യമില്ല.
പൊതുജനങ്ങൾക്കായി സിവിൽ സ്റ്റേഷൻ വളപ്പിൽ സ്ഥാപിച്ച ശൗചാലയം ദുർഗന്ധം വമിച്ച് ആർക്കും ഉപയോഗിക്കാൻ കഴിയാതെ കിടക്കുകയാണ്. ശൗചാലയത്തിലേക്കുള്ള വഴി കാടുപിടിച്ച് ഇഴജന്തുക്കളുടെ താവളമായി മാറിയിട്ട് നാളുകളായി.
ഇതിനു പുറമെ ഓഫിസുകളിൽ നിന്നുള്ള മാലിന്യം കത്തിക്കുന്നതും ഇവിടെയാണ്. വിവിധ ആവശ്യങ്ങൾക്കായി ഇവിടെ എത്തുന്ന സ്ത്രീകളുടെ കാര്യമാണ് ഏറെ കഷ്ടം.
ഇവർക്ക് ശുചിമുറി സൗകര്യം ഇല്ല. ഉള്ളത് പുരുഷൻമാരുടെ ശൗച്യാലയത്തിനുള്ളിൽ ഒരു ശുചിമുറി മാത്രമാണ്. ഇതും ദുർഗന്ധം വമിച്ച് കയറാൻ പറ്റാത്ത അവസ്ഥയിലാണ്.
#You have to #cover your #nose to get in #here