#accident | മിനിലോറിയിടിച്ച് കാൽനട യാത്രക്കാരൻ മരിച്ചു

Aug 26, 2024 08:40 PM | By Amaya M K

ചേർത്തല: (piravomnews.in) ദേശീയ പാതയിൽ പൊന്നാം വെളി പത്മാക്ഷി കവലയ്ക്ക് സമീപം മിനിലോറിയിടിച്ച് കാൽനട യാത്രക്കാരൻ മരിച്ചു.

Also read: #Complaint | ആശുപത്രി ക്യാന്റീനിൽ നിന്ന് വാങ്ങിയ ആഹാരപ്പൊതിക്ക് ഉള്ളിൽ അട്ടയുണ്ടായിരുന്നെന്ന് പരാതി

പാചക തൊഴിലാളിയും ജലാൽ കാറ്ററിങ് ഉടമയുമായ പട്ടണക്കാട് പഞ്ചായത്ത് മൂന്നാം വാർഡിൽ വെളിപറമ്പിൽ ഹൗസിൽ ജലാലുദ്ദിൻ വി എ (55 ) ആണ് മരിച്ചത്.

പൊന്നാം വെളിയിലെ ഓഡിറ്റാറിയത്തിൽ വിവാഹ സൽക്കാരത്തിനുള്ള പാചക ഒരുക്കങ്ങൾ നടത്തിയ ശേഷം ഞായറാഴ്ച രാത്രി 10 മണിയോടെ വീട്ടിലേക്ക് പോകുമ്പോൾ ചേർത്തല ഭാഗത്ത് നിന്ന് എറണാകുളത്തേക്ക് അതിവേഗതയിൽ എത്തിയ മിനിലോറി ഇടിച്ചു വീഴ്ത്തുകയായിരുന്നു.

Also read: #arrest | വീണ്ടും ആവേശം മോഡൽ ഗുണ്ടാ പാർട്ടി ; പിറന്നാൾ ആഘോഷത്തിനിടെ പൊലീസിന് നേരെ അതിക്രമം

തുറവൂർ ഗവ. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പെരുമ്പളം പഞ്ചായത്തിൽ വെളിപറമ്പിൽ പരേതനായ അബൂബക്കർ മുസ്ലിയാരുടെയും പരേതായ ബീപാത്തുമ്മയുടെയും മകനാണ്.

ഭാര്യ: ജുമൈലത്ത്. മക്കൾ: ജുസൈന,ജഫ്ന (നഴ്‌സ്, തൃശൂർ മെഡിക്കൽ കോളജ്) മരുമക്കൾ: അനൂപ് കൊച്ചി. ആഷിക് വൈക്കം ( കോസ്റ്റ് ഗാർഡ്, ചെന്നൈ ).

#Pedestrian #dies after #being hit by #minilorry