---
title: "#crime | ബന്ധുക്കൾ തമ്മിൽ തർക്കം, വീട്ടിനുള്ളിൽ വെടിവയ്പ്; ഒരാൾക്ക് ഗുരുതര പരുക്ക് "
english_title: "#Argument #between #relatives, #shooting inside the #house; #One #seriously #injured"
publisher: "piravomnews.in"
canonical_url: "https://piravom.truevisionnews.com/news/230548/argument-between-relatives-shooting-inside-the-house-one-seriously-injured"
published_at: "2024-08-23T15:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66c8598a4f8fd_crime.jpg"
keywords: []
---

# #crime | ബന്ധുക്കൾ തമ്മിൽ തർക്കം, വീട്ടിനുള്ളിൽ വെടിവയ്പ്; ഒരാൾക്ക് ഗുരുതര പരുക്ക് 

> **Lead Summary:** മൂവാറ്റുപുഴ : വീട്ടിൽ ബന്ധുക്കൾ തമ്മിലുള്ള തർക്കത്തെ തുടർന്നുണ്ടായ വെടിവെപ്പിൽ ഒരാൾക്ക് ഗുരുതര പരുക്ക്.

## Article Content

മൂവാറ്റുപുഴ : വീട്ടിൽ ബന്ധുക്കൾ തമ്മിലുള്ള തർക്കത്തെ തുടർന്നുണ്ടായ വെടിവെപ്പിൽ ഒരാൾക്ക് ഗുരുതര പരുക്ക്.

മൂവാറ്റുപുഴ കടാതിയിൽ വ്യാഴാഴ്ച രാത്രി ഒരു മണിയോടെയാണ് സംഭവം. കടാതി മംഗലത്ത് വീട്ടിൽ നവീനാണ് വെടിയേറ്റത്.

നവീനും ബന്ധുവായ കിഷോറും തമ്മിലുണ്ടായ തർക്കത്തെത്തുടർന്ന് കിഷോർ കയ്യിലുണ്ടായിരുന്ന തോക്കെടുത്ത് നവീനെ വെടിവയ്ക്കുകയായിരുന്നു.

വയറിനു വെടിയേറ്റ നവീൻ എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. കിഷോർ കഴിഞ്ഞ ദിവസമാണു വിദേശത്തുനിന്നു നാട്ടിലെത്തിയത്. നവീനും കിഷോറും തമ്മിൽ സ്ഥിരമായി വഴക്ക് ഉണ്ടാകാറുണ്ടെന്നും നാട്ടുകാർ പറയുന്നു.

ലൈസൻസുള്ള തോക്കാണ് കിഷോറിന്റെ കൈവശമുണ്ടായിരുന്നതെന്നു പൊലീസ് പറയുന്നു. ഇരുവർക്കും ഒപ്പം വീട്ടിലുണ്ടായിരുന്ന മറ്റൊരാളാണു വിവരം പുറത്തറിയിക്കുകയും നവീനെ ആശുപത്രിയിലാക്കുകയും ചെയ്തത്. പൊലീസ് അഅന്വേഷണം നടത്തുകയാണ്.

### Related Links & Sources
- [Original Story Source](https://piravom.truevisionnews.com/news/230548/argument-between-relatives-shooting-inside-the-house-one-seriously-injured)