പിറവം.... ഇലക്ട്രിക്ക് വാഹനങ്ങള്ക്കുള്ള ചാര്ജ്ജിംഗ് സ്റ്റേഷന് പിറവത്ത് ബസ് സ്റ്റാൻഡിനു സമീപം സ്ഥാപിക്കാന് തീരുമാനമായി. പിറവം നിയോജകമണ്ഡലത്തില് ഇലക്ട്രിക് സ്കൂട്ടര്, ഓട്ടോറിക്ഷ, കാറുകള്കള് എന്നിവ ചാര്ജ്ജ് ചെയ്യുന്നതിനുള്ള പോള് മൌണ്ടഡ് ചാര്ജിങ് സ്റ്റേഷനുകള് ആദ്യഘട്ടമായി അഞ്ച് സ്ഥലങ്ങളില് ആണ് സ്ഥാപിക്കുന്നത്.
പിറവം ബസ് സ്റ്റാന്റിനിന് സമീപവും, കൂത്താട്ടുകുളത്ത് എം.സി റോഡില് ചോരകുഴിയിലും, പാമ്പാക്കുട പഞ്ചായത്ത് ഓഫീസിന് സമീപവും, മുളന്തുരുത്തി പള്ളിക്ക് സമീപവും, കടുങ്ങമങ്ങലത്തുമാണ് ഇത് തുടങ്ങാന് ഉദ്ദേശിക്കുന്നത്. വൈദ്യുത പോസ്റ്റില് ബോക്സ് ഘടിപ്പിച്ച് അതില്നിന്നാണ് ചാര്ജിങ് നടത്തുന്നത്
വര്ദ്ധിച്ചു വരുന്ന ഇലക്ട്രിക് വാഹനങ്ങളുടെ എണ്ണം കണക്കാക്കിയാണ് അടിയന്തിരമായുള്ള ഈ സൌകര്യം ലഭ്യമാക്കുന്നത്. അടുത്ത ഘട്ടമായി നിയോജകമണ്ഡലത്തിലെ മറ്റു ഭാഗങ്ങളിലേക്കും ഇതിനായുള്ള ക്രമീകരണങ്ങള് ഉണ്ടാകുമെന്നും. കെ.എസ്.ഇ.ബി യുമായി സഹകരിച്ചാണ് പദ്ധതി നടപ്പാക്കുന്നതെന്നും എം.എല്.എ അനൂപ് ജേക്കബ് അറിയിച്ചു
A charging station for electric vehicles will be set up near the Piravom bus stand