കളമശേരി : (piravomnews.in) ശനിയാഴ്ച മുതൽ എടത്തലയിൽ നിന്നു കാണാതായ യുവാവിനെ ഇന്നലെ വരാപ്പുഴയ്ക്കു സമീപം പെരിയാറിൽ മരിച്ച നിലയിൽ കണ്ടെത്തി.
ആലുവ എടത്തല കുഞ്ചാട്ടുകര കുത്തനാലി ക്ഷേത്രത്തിനു സമീപം സൺഗ്രേയ്സ് വില്ലയിൽ കൊല്ലംപറമ്പിൽ അഗസ്റ്റിൻ ഗിൽബർട്ടിന്റെ മകൻ ഗ്രീഷ്മൽ ആന്റണിയുടെ (34) മൃതദേഹമാണ് കണ്ടെത്തിയത്. ഗ്രീഷ്മലിനെ കാണാനില്ലെന്നു പിതാവ് എടത്തല പൊലീസ് സ്റ്റേഷനിൽ പരാതി നൽകിയിരുന്നു.
ഇന്നലെ പുലർച്ചെ മരണക്കുറിപ്പായി ശബ്ദസന്ദേശം നൽകിയ ശേഷം ഗ്രീഷ്മൽ മഞ്ഞുമ്മൽ മുട്ടാർ പാലത്തിൽ നിന്നു പുഴയിലേക്കു ചാടുകയായിരുന്നു.
ഗ്രീഷ്മൽ എത്തിയ കാറും ഉപയോഗിച്ചിരുന്ന ഫോണും തിരിച്ചറിയൽ കാർഡും ഇവിടെ നിന്നു പൊലീസ് കണ്ടെത്തിയിരുന്നു. ഗ്രീഷ്മലിന്റെ മൃതദേഹം പോസ്റ്റ്മോർട്ടത്തിനായി എറണാകുളം ഗവ. മെഡിക്കൽ കോളജ് ആശുപത്രി മോർച്ചറിയിലേക്കു മാറ്റി.
The #missing #youth was #founddead in the #river
.jpg)
