കൂത്താട്ടുകുളം.... കൂത്താട്ടുകുളം സഹകരണ ആശുപത്രിയിൽ ലക്ഷങ്ങളുടെ ഇലക്ട്രിക്ക് സാധനങ്ങൾ മോഷണം നടന്നു. മോഷണം പുറത്ത് അറിയിക്കാതെ അധികൃതർ.
കൂത്താട്ടുകുളം രാജീവ് ഗാന്ധി സഹകരണ ആശുപത്രിയിൽ നിന്നും ജനറേറ്ററിൻ്റെ ഭാഗങ്ങൾ, എ.സി. ഇലക്ട്രിക് വയറുകൾ, മോട്ടോർ തുടങ്ങി ലക്ഷങ്ങളുടെ ഉപകരണങ്ങൾ കളവുപോയി. ദിവസങ്ങൾക്ക് മുമ്പത്തെ മോഷണം പുറത്ത് അറിഞ്ഞത് ഇന്നാണ്. ആശുപത്രിയുടെ പുറകുവശം അമൃത ഹോട്ടലിനും ദേവസ്വം വക സ്ഥലത്തിനും ഇടയിലുള്ള കെട്ടിടത്തിൻ്റെ സിമിൻ്റ് കൊണ്ടുള്ള ഗ്രിൽ പൊളിച്ചാണ് കള്ളൻ അകത്ത് കയറിയത്. ഇതിലൂടെയാണ് സാധനങ്ങൾ പുറത്തേക്ക് കൊണ്ടു പോയിട്ടുള്ളതും. കൂത്താട്ടുകുളം പോലീസ് സ്റ്റേഷനിൽ നിന്നും വിളിപ്പാടകലെയാണ് സംഭവം നടന്നത്.
റോയി എബ്രാഹം പ്രസിഡണ്ടായി അഡ്മിനിസ്ട്രേറ്റീവ് കമ്മറ്റിയാണ് ഇപ്പോൾ ആശുപത്രി ഭരണം നടത്തുന്നത്. രണ്ടര വർഷത്തിലേറെയായി അഡ്മിനിസ്ട്രേറ്റർഭരണത്തിൻ കീഴിൽ ആയിട്ട്. ഈ കാലയളവ് മുതൽ ആശുപത്രി പ്രവർത്തനം നിലച്ചിരിക്കയാണ്. താഴെ പ്രവർത്തിക്കുന്ന ഹോട്ടലിലേക്ക് വെള്ളം കയറാതെ വന്നതുകൊണ്ടുള്ള അന്വേഷണത്തിലാണ് കളവ് നടന്നത് അറിഞ്ഞത് എന്ന് റോയി അബ്രാഹം അറിയിച്ചു
Lakhs stolen from Koothattukulam Co-operative Hospital