കൂത്താട്ടുകുളം.... പൂവക്കളം ചന്ദനശ്ശേരിക്കാവിൽ ചെണ്ടമേളം അരങ്ങേറ്റം നടന്നു. വാദ്യകലാചാര്യൻ തൃക്കാമ്പുറം കൃഷ്ണൻകുട്ടി മാരാരുടെ ചെറുമകനും പൂവക്കുളം ആളോത്ത് ശശിധര മാരാരുടെയും ജയലക്ഷ്മിയുടെയും മകനുമായ ഡോ. ആകാശിന്റെ നേതൃത്വത്തിലാണ് ചടങ്ങ് നടന്നത്.
വാദ്യകലാകാരൻ താഴത്തേടത്ത് മുരളീധര മാരാരുടെയും തൃക്കാമ്പുറം ശ്യാംകൃഷ്ണ മാരാരുടെയും ശിക്ഷണത്തിലാണ് ചെണ്ടമേളം അഭ്യസിച്ചത്. അരങ്ങേറ്റത്തിൽ ആകാശിനോടൊപ്പം ചെണ്ട തൃക്കാമ്പുറം ശ്യാംകൃഷ്ണ മാരാരും സച്ചിൻ അജിത്തും, വലന്തല താഴത്തേടത്ത് മുരളീധര മാരാരും ആർ.എൽ.വി. നിധീഷും താളം പട്ടിമറ്റം ശ്രീക്കുട്ടൻ യദുകൃഷ്ണൻ മാരാരും കുറുങ്കുഴൽ വാരപ്പെട്ടി രതീഷും കൊമ്പ് ഇടയാർ ശ്രീധരനുമായിരുന്നു സംഘാംഗങ്ങളായെത്തിയത്.
കഥകളി ഗായകൻ പി.ഡി. നമ്പൂതിരി ആകാശിനെ ആദരിച്ചു
Disciples of Muraleedhara Marar and Thrikampuram Shyamkrishna Marar performed at Poovakkalam Chandanasserikkavil Thazhathedath