---
title: "#accident | എസ്‍യുവി ട്രക്കിലിടിച്ച് കുടുംബത്തിലെ ആറുപേർ കൊല്ലപ്പെട്ടു"
english_title: "Six #members of the #family were #killed when the #SUV hit the #truck"
publisher: "piravomnews.in"
canonical_url: "https://piravom.truevisionnews.com/news/220591/six-members-of-the-family-were-killed-when-the-suv-hit-the-truck"
published_at: "2024-07-17T10:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/669753ad1aae2_accident3.jpg"
keywords: []
---

# #accident | എസ്‍യുവി ട്രക്കിലിടിച്ച് കുടുംബത്തിലെ ആറുപേർ കൊല്ലപ്പെട്ടു

> **Lead Summary:** പട്‌ന: ബിഹാർ തലസ്ഥാനമായ പട്നക്ക് സമീപം എസ്‍യുവി ട്രക്കിലിടിച്ച് കുടുംബത്തിലെ ആറുപേർ കൊല്ലപ്പെട്ടു. ചൊവ്വാഴ്ചയാണ് സംഭവം.

## Article Content

പട്‌ന: ബിഹാർ തലസ്ഥാനമായ പട്നക്ക് സമീപം എസ്‍യുവി ട്രക്കിലിടിച്ച് കുടുംബത്തിലെ ആറുപേർ കൊല്ലപ്പെട്ടു. ചൊവ്വാഴ്ചയാണ് സംഭവം.

അഞ്ച് പേർക്ക് പരിക്കേറ്റു. പുലർച്ചെ ബക്തിയാർപൂർ-നളന്ദ ദേശീയപാതയിലാണ് അപകടമുണ്ടായകെന്ന് ബാർഹ് II സബ് ഡിവിഷണൽ പൊലീസ് ഓഫീസർ (എസ്ഡിപിഒ) അഭിഷേക് സിംഗ് മാധ്യമപ്രവർത്തകരോട് പറഞ്ഞു.

കുടുംബം സഞ്ചരിച്ച കാർ റോഡരികിൽ നിർത്തിയിട്ടിരുന്ന ട്രക്കിൽ ഇടിച്ചുകയറുകയായിരുന്നു. നാല് പേർ സംഭവസ്ഥലത്ത് തന്നെ മരിച്ചു.

രണ്ട് പേർ ചികിത്സയ്ക്കിടെ മരണത്തിന് കീഴടങ്ങി. നവാഡ ജില്ലയിൽ നിന്ന് പട്‌നയിലെ ബർഹുമാനാഥ് ക്ഷേത്രത്തിലേക്ക് തല മൊട്ടയടിക്കൽ ചടങ്ങിനായി പോകുകയായിരുന്നു കുടുംബമെന്ന് പൊലീസ് പറഞ്ഞു.

മരിച്ചവരിൽ അഞ്ച് വയസ്സുകാരിയും ഉൾപ്പെടുന്നു. അപകടത്തിൽ മുഖ്യമന്ത്രി നിതീഷ് കുമാർ അനുശോചനം അറിയിച്ചു. 

### Related Links & Sources
- [Original Story Source](https://piravom.truevisionnews.com/news/220591/six-members-of-the-family-were-killed-when-the-suv-hit-the-truck)