---
title: "കവിത;മാടും മനുഷ്യരും"
english_title: "story madum manushyarum "
publisher: "piravomnews.in"
canonical_url: "https://piravom.truevisionnews.com/news/219179/story-madum-manushyarum"
published_at: "2024-07-11T19:34:00+05:30"
category: "Piravom Special"
language: "ml"
image: "https://cf.zdn.im/img/truevisionnews.com/0/image-uploads/668fe7442bafa_kvi11.jpg"
keywords: []
---

# കവിത;മാടും മനുഷ്യരും

> **Lead Summary:** **കവിത...**മാടും മനുഷ്യരും**

## Article Content

**കവിത...**മാടും മനുഷ്യരും**

**കൂടോത്രമൊന്നങ്ങു ചെയ്യണമവരെ മൂടോടെ പിഴുതു കളഞ്ഞിടേണം കൂടെനടന്നവർ കുതിയ്ക്കുന്നു മുന്നേ പാടില്ലവരെ തളച്ചിടേണം തേടുന്നു മാർഗ്ഗം പലവഴിയങ്ങനെ ലാടനെതപ്പുന്നിരുളിടത്തിൽ മാടനും മറുതയും സർവ്വരുമങ്ങനെ ആടിത്തിമിർത്തു കളങ്ങളിലായ് വേടനെപ്പോലെ മറഞ്ഞു രിപുവിനെ ചാടിപ്പിടിയ്ക്കാൻ പഴുതുതേടി കൂടൊന്നൊരുക്കി നടക്കുന്നു പുഞ്ചിരി - ചൂടിയകണ്ണിൽ കനലുമായി നാടു വളർന്നെന്നും മുന്നോട്ടുപാഞ്ഞെന്നും തോടയം പാടിയ വേദികളിൽ നാടകംകണ്ടു മിഴിച്ചുനിന്നീടുമ്പോൾ കാടത്തം തേടുന്നൊളിമറകൾ കൂടോത്രവും മറ്റു മാരണതന്ത്രവും ചൂടപ്പംപോലിന്ന് വിറ്റിടുമ്പോൾ കാടകംപുക്കാം പച്ചിലകൊണ്ടൊന്നു മൂടിടാം നാണംമറയ്ക്കുവാനായ്... ഓടിയകലാം ദുർവിധിയോർത്തിന്ന് ലാടം തറച്ചിടാം പാദങ്ങളിൽ മാടും മനുഷ്യനുമൊന്നുപോലാവുമ്പോൾ കൂടാം ഗുഹയിലെപച്ചമണ്ണിൽ

സോളി അനിൽ 

### Related Links & Sources
- [Original Story Source](https://piravom.truevisionnews.com/news/219179/story-madum-manushyarum)