കൊച്ചി : (piravomnews.in) നഗരത്തിലെ റോഡുകളും നടപ്പാതകളും പൊതുയിടങ്ങളും എത്രമാത്രം പൊതുജനസൗഹൃദമാണെന്ന് മനസ്സിലാക്കുന്നതിനുള്ള "ആക്സസ്സിബിലിറ്റി ഓഡിറ്റ്' കോർപറേഷന്റെ നേതൃത്വത്തിൽ ആരംഭിച്ചു.
സുഭാഷ് പാർക്കും പാർക്കിനുസമീപമുള്ള നടപ്പാതകളും റോഡുകളുമാണ് ആദ്യഘട്ടത്തിൽ പൊതുജനസൗഹൃദമാക്കുന്നത്. വിദഗ്ധസംഘം മേയർ എം അനിൽകുമാറുമായി ചർച്ച നടത്തുകയും മേയറുടെ നേതൃത്വത്തിൽ പദ്ധതിപ്രദേശം സന്ദർശിക്കുകയും ചെയ്തു.
ജർമൻ സർക്കാർ ഏജൻസിയായ ഗിസിന്റെ "സുമാക്ക' പദ്ധതിയുടെ സഹായത്തോടെയാണ് ഓഡിറ്റ് നടത്തുന്നത്.
ഇന്ത്യയിലെ വിവിധ നഗരങ്ങൾ പൊതുജനസൗഹൃദമാക്കുന്നതിന് നേതൃത്വം നൽകിയ പ്രതീക് ഖണ്ടേവാലിന്റെ നേതൃത്വത്തിലുള്ള വിദഗ്ധസംഘമാണ് ഓഡിറ്റിന് നേതൃത്വം നൽകുന്നത്. മൂന്നുമാസത്തിനകം റിപ്പോർട്ട് തയ്യാറാക്കും.
#Audit to make the #city #public #friendly