കവിത; അത് മാത്രം മതി

കവിത ....(piravomnews) അത് മാത്രം മതി 

Also read: #Leopard | വീടിനുള്ളിൽ നിന്നും ഒളിച്ചിരുന്ന രാജവെമ്പാലയെ വനം വകുപ്പ് ഉദ്യോഗസ്ഥരെത്തി പിടികൂടി.

• കണ്ണന്റെ മൗലിയിൽ ആടിക്കളിയ്ക്കുന്ന
• മയീൽപ്പീലിയാവാനെനിയ്ക്കു മോഹം ,
• ആ തിരുനെറ്റിയിൽ ശോഭിച്ചിടുന്നൊരു
• ചന്ദനഗോപിയാവാനും മോഹം
• കണ്ണന്റെ താമരമിഴികളിൽ ശോഭിയ്ക്കും
• നീലാഞ്ജനമാവാൻ എനിയ്ക്കു മോഹം,
• കണ്ണന്റെ നാസികാഗ്രത്തിൽ മിന്നീടുന്ന
• സ്വേതകണങ്ങളായ് മാറിയാലോ?
• കണ്ണന്റെ കണ്ഠത്തിൽ മിന്നിത്തിളങ്ങുന്ന
• കൗസ്തുഭരത്നമായീടാൻ മോഹം,
• ഗണ്ഡസ്ഥലങ്ങളിൽ തട്ടി ശോഭിയ്ക്കുന്ന
• കുണ്ഡലമായാലും മതിയെനിയ്ക്ക്...
• കണ്ണന്റെ ചെഞ്ചുണ്ട് ചുംബിച്ചുണർത്തുന്ന
• പുല്ലാങ്കുഴലായിത്തീർന്നാൽ മതി,
• അതിലൂടൊഴുകി വരുന്നൊരു ദിവ്യമാം
• ശ്രീരാഗമായാലും മതിയെനിക്ക്...
• ഓടക്കുഴലേന്തും കൈകളിൽ മിന്നുന്ന
• കങ്കണമാകാൻ എനിയ്ക്ക്മോഹം ,
• നെഞ്ചിലെ ശ്രീവത്സമായാലോ?
• അല്ലല്ല , പുലിനഖ മോതിരമായാൽ മതി ...
• കായാമ്പൂ വർണ്ണന്റെ മാറിൽ വിരാജിയ്ക്കും
• വനമാലയായി ഞാൻ മാറിയാലോ ,
• അരയിൽ കിലുങ്ങുന്ന കിങ്ങിണിയിൽ
• ഒരു മണിമുത്തായ് തീർന്നാലും മതിയെനിക്ക്.....
• "പദഭജനം ശ്രേയ" എന്നു കൊഞ്ചീടുന്ന
• പാദസരങ്ങളായ്ത്തീർന്നാൽ മതി,
• ആ പാദസ്പർശനമേറ്റു കിടക്കുന്ന
• തുളസീദള മായിത്തീരുമോ ഞാൻ...
• താമരപ്പൂവിതൾ പാദങ്ങളിൽ വീണ്
• കെട്ടിപ്പിടിച്ച് കരഞ്ഞാൽ മതി,
• അത് മാത്രം മതിയെനിയ്ക്കെന്റെ കണ്ണാ...
• അതു മാത്രം മതിയെനിയ്ക്കെന്റെ കണ്ണാ... 
• രചന പ്രമീള മേനോൻ 
  

kavitha;ath mathram mathi