ഫോർട്ട് കൊച്ചി: ( piravomnews.in ) എം.ഡി.എം.എയുമായി യുവാവ് ഫോർട്ട്കൊച്ചി പൊലീസിന്റെ പിടിയിൽ.
ഫോർട്ട്കൊച്ചി കൽവത്തി പതിയശ്ശേരി വീട്ടിൽ ഷുഹൈബ് (33)ആണ് പിടിയിലായത്.
ലഹരി വിരുദ്ധ പ്രവർത്തനങ്ങൾ തടയുന്നതിന്റെ ഭാഗമായ പരിശോധനക്കിടെ മട്ടാഞ്ചേരി അസി. കമീഷണർ കെ.ആർ മനോജ്, ഫോർട്ട്കൊച്ചി പൊലിസ് ഇൻസ്പെക്ടർ കെ. പ്രശാന്ത് കുമാർ, എസ്.ഐ. അബ്ദുൽ ഹക്കീം എന്നിവരുടെ നേതൃത്വത്തിലാണ് അറസ്റ്റ് ചെയ്തത്.
ശനിയാഴ്ച രാത്രി പത്ത് മണിയോടെ പ്രതിയുടെ ഫോർട്ട്കൊച്ചി ഓടത്തയിലുള്ള വീട്ടിൽ നടത്തിയ പരിശോധനയിൽ വിൽപനക്കായി സൂക്ഷിച്ച ആറ് ഗ്രാം എം.ഡി.എം.എ കണ്ടെടുത്തു. യുവാക്കൾക്കും വിദ്യാർഥികൾക്കും വിൽപന നടത്തുന്നതിനായി എത്തിച്ചതാണ് രാസ ലഹരിയെന്ന് പൊലീസ് പറഞ്ഞു.
#Youth #arrested by #police with #MDMA