പറവൂർ : (piravomnews.in) ചിറ്റാറ്റുകര പഞ്ചായത്ത് 10–-ാംവാർഡിൽ ചേപ്പുള്ളിൽ ഹരിയുടെ വീട് കനത്ത മഴയിൽ തകർന്നു. ബുധൻ രാവിലെ ആറിനാണ് സംഭവം.
50 വർഷത്തോളം പഴക്കമുള്ള വീടിന് പ്രളയത്തിൽ ഏറെ നാശനഷ്ടം സംഭവിച്ചിരുന്നു. മേൽക്കൂര നിലംപൊത്തി. ഹരിയും ഭാര്യ മിനിയും മാത്രമാണ് വീട്ടിലുണ്ടായിരുന്നത്. മേൽക്കൂര ഞെരിയുന്ന ശബ്ദം കേട്ട് പുറത്തേക്കിറങ്ങിയതിനാൽ ഇരുവരും പരിക്കേൽക്കാതെ രക്ഷപ്പെട്ടു.
സർക്കാരിന്റെ ലൈഫ് പദ്ധതിയിൽ ഉൾപ്പെട്ടിട്ടുണ്ടെങ്കിലും നിർമാണം ആരംഭിക്കാനായിട്ടില്ല. കൂലിവേല ചെയ്ത് ജീവിക്കുന്ന ഹരിക്ക് പുതിയ കിടപ്പാടം ഒരുക്കാൻ മറ്റു മാർഗങ്ങളില്ല. പുതിയ വീട് സർക്കാർ സഹായത്തോടെ നിർമിച്ചുനൽകണമെന്ന് സിപിഐ എം ലോക്കൽ സെക്രട്ടറി ടി എസ് രാജൻ ആവശ്യപ്പെട്ടു.
പഞ്ചായത്ത് പ്രസിഡന്റ്‌ ശാന്തിനി ഗോപകുമാർ, വൈസ് പ്രസിഡന്റ്‌ പി പി അരൂഷ്, ജില്ലാപഞ്ചായത്ത്‌ അംഗം എ എസ് അനിൽകുമാർ, കെ എസ് മഞ്ജുഷ, പി വി മണി എന്നിവർ സംഭവസ്ഥലം സന്ദർശിച്ചു.
The #house #collapsed due to #heavy #rain
