ചെങ്ങമനാട് : (piravomnews.in) ബംഗളൂരുവിൽനിന്ന് ആഡംബരകാറിൽ എം.ഡി.എം.എ കടത്തുകയായിരുന്ന പ്രതികൾ പൊലീസിനെ അപായപ്പെടുത്താൻ ശ്രമിച്ച ശേഷം ബാഗ് വലിച്ചെറിഞ്ഞ് കടന്നുകളഞ്ഞു.
ചെങ്ങമനാട് സെന്റ് ആന്റണീസ് പള്ളിക്ക് സമീപം വലിച്ചെറിഞ്ഞ ബാഗിൽനിന്ന് 100 ഗ്രാം എം.ഡി.എം.എ കണ്ടെടുത്തു. ദേശീയപാത കരിയാട് ഭാഗത്ത് തിങ്കളാഴ്ച രാവിലെ 10.20ഓടെയാണ് നാടകീയ സംഭവങ്ങൾ അരങ്ങേറിയത്.
രഹസ്യവിവരം ലഭിച്ചതിനെത്തുടർന്ന് വാഹന പരിശോധന നടത്തുന്നതിനിടെയാണ് ആഡംബരകാർ പാഞ്ഞുവന്നത്. പൊലീസ് തടഞ്ഞെങ്കിലും അതൊന്നും വകവെക്കാതെ അപായപ്പെടുത്തുംവിധം വാഹനം കുതിക്കുകയായിരുന്നു. പൊലീസുകാർ തലനാരിഴക്കാണ് രക്ഷപ്പെട്ടത്.
സംഘത്തെ പിടികൂടാൻ റൂറൽ ജില്ല ഡാൻസാഫ് ടീമും ചെങ്ങമനാട് പൊലീസും പിന്നിൽ അതിവേഗം പായുകയായിരുന്നു.
While being #chased by the #police, the group #escaped by #throwing away the #MDMA