അങ്കമാലി : (piravomnews.in) കറുകുറ്റി പഞ്ചായത്തിൽ മുന്നൂർപ്പിള്ളിമുതൽ കറുകുറ്റിവരെ പൊതുമരാമത്ത് റോഡിലും പഞ്ചായത്ത് റോഡിലും മറ്റിടങ്ങളിലുമായി കുടിവെള്ളവിതരണക്കുഴലുകൾ തകർന്ന് ആയിരക്കണക്കിന് ലിറ്റർ ശുദ്ധജലം പാഴായിട്ടും നടപടിയില്ല.
ഇതിൽ പ്രതിഷേധിച്ച് സിപിഐ എം ലോക്കൽ കമ്മിറ്റി നേതൃത്വത്തിൽ അങ്കമാലി വാട്ടർ അതോറിറ്റി ഓഫീസ് ഉപരോധിച്ചു. ഞാലൂക്കര ഭാഗത്ത് ഒരാഴ്ചയായി കുടിവെള്ളവിതരണം നിലച്ചിരിക്കുകയാണ്‌.
നിരവധിതവണ വാട്ടർ അതോറിറ്റിയുമായി ബന്ധപ്പെട്ടിട്ടും അറ്റകുറ്റപ്പണി നടത്തുന്നില്ല.ഇതുമൂലം മാസങ്ങളായി കുടിവെള്ളം പാഴാവുകയാണ്.
ഏരിയ സെക്രട്ടറി കെ കെ ഷിബു, കറുകുറ്റി ലോക്കൽ സെക്രട്ടറി കെ പി അനീഷ്, ഡിവൈഎഫ്ഐ ബ്ലോക്ക് പ്രസിഡന്റ്‌ റോജിസ് മുണ്ടപ്ലാക്കൽ, ജോണി മൈപ്പാൻ, ആൽബി വർഗീസ്, മേരി ആന്റണി, രനിത ഷാബു, ജിഷ സുനിൽ എന്നിവരും പ്രവർത്തകരും ഉപരോധത്തിൽ പങ്കെടുത്തു.
മൂന്ന് ദിവസത്തിനകം പരിഹാരം കാണുമെന്ന് എൻജിനിയറും അസിസ്‌റ്റന്റ്‌ എൻജിനിയറും ഉറപ്പുനൽകിയതിനെ തുടർന്ന് സമരം അവസാനിപ്പിച്ചു.
No #action has been #taken even though #thousands of #liters of #fresh #water has been #wasted due to #broken #drinking #water #supply pipes
