വരാപ്പുഴ : (piravomnews.in) ചെട്ടിഭാഗത്ത് വ്യാപാര സ്ഥാപനങ്ങൾക്ക് തീപിടിച്ചു. ചൊവ്വ രാവിലെ 7.30നായിരുന്നു തീപിടിത്തം.
കളത്തിപ്പറമ്പിൽ സീമ ഷിബുവിന്റെ ഉടമസ്ഥതയിലുള്ള ഫോർ എസ് ലേഡീസ് സെന്ററും സമീപത്ത് ഫർണിച്ചറും മറ്റും സൂക്ഷിച്ചിരുന്ന മറ്റൊരു മുറിയുമാണ് കത്തിനശിച്ചത്.
ലേഡീസ് സെന്ററിലെ മുഴുവൻ സാധനങ്ങളും നശിച്ചു. ഏലൂർ, പറവൂർ എന്നിവിടങ്ങളിൽനിന്ന് അഗ്നിരക്ഷാ യൂണിറ്റ് എത്തിയാണ് തീ അണച്ചത്.
ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് നിഗമനം. ലേഡീസ് സെന്ററിൽ പെർഫ്യൂം നെയിൽ പോളിഷുകൾ തുടങ്ങിയവ ഉണ്ടായിരുന്നത് തീ ആളിപ്പടരാൻ കാരണമായി.
ഏകദേശം 60 ലക്ഷം രൂപയുടെ നഷ്ടം ഉണ്ടായതായി ഉടമ പറഞ്ഞു. വരാപ്പുഴ പൊലീസിൽ പരാതി നൽകി.
#Business #establishments #caught #fire in Chetti; #damage #worth 60 lakhs