കൂത്താട്ടുകുളം : (piravomnews.in) എംസി റോഡിൽ പുതുവേലി പാലം ജങ്ഷനിൽ പിക്കപ്പ് വാനും കാറും കൂട്ടിയിടിച്ച് അഞ്ചുപേർക്ക് പരിക്ക്.
കോട്ടയം മെഡിക്കൽ കോളേജിൽനിന്ന് രോഗിയുമായി മൂവാറ്റുപുഴയിലേക്കുപോയ കാറാണ് അപകടത്തിൽപ്പെട്ടത്. ചൊവ്വ രാവിലെ ഏഴിനായിരുന്നു അപകടം. കാർയാത്രികരായ കൊല്ലം അഞ്ചൽ ചരുവിള ഫിലിപ്പ് (79), ആര്യ ഫിലിപ്പ് (31), പ്രിയാമ്മ (65), പ്രവഞ്ചിക (7) എന്നിവർക്കാണ് പരിക്കേറ്റത്.
പരിക്കേറ്റ് വാനിൽ കുടുങ്ങിയ ഡ്രൈവർ പാലക്കുഴ നിരപ്പത്ത് ബിനീഷിനെ (43) അഗ്നി രക്ഷാസേന പുറത്തെടുത്തു.
എല്ലാവരെയും കൂത്താട്ടുകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. കൂത്താട്ടുകുളം അഗ്നി രക്ഷാസേന അസിസ്റ്റന്റ് സ്റ്റേഷൻ ഓഫീസർ ജെ രാജേന്ദ്രൻനായരുടെ നേതൃത്വത്തിലാണ് രക്ഷാപ്രവർത്തനം നടത്തിയത്.
Five #people were #injured in a #collision #between a #pickup van and a #car at #Puduveli #bridge #junction