അങ്കമാലി : (piravomnews.in) അങ്കമാലി നഗരസഭാ കാര്യാലയത്തിൽ ബോംബ് വച്ചിട്ടുണ്ടെന്നുള്ള ഭീഷണി പരിഭ്രാന്തി പരത്തി.
ചൊവ്വ പകൽ 11.45-ന് അങ്കമാലി പൊലീസ് സ്‌റ്റേഷനിലേക്കാണ് നഗരസഭാ കാര്യാലയത്തിൽ ബോംബ് വച്ചു എന്ന ഫോൺ സന്ദേശം എത്തിയത്.
അഞ്ച് നാടൻബോംബുകൾ നഗരസഭയിൽ വച്ചിട്ടുണ്ടെന്നും അതിന്റെ തിരിയോടുചേർത്ത് ചന്ദനത്തിരി കത്തിച്ചുവച്ചിട്ടുണ്ട് എന്നുമായിരുന്നു ഭീഷിണി. ഉടന്‍ പൊലീസ് നഗരസഭയിലെത്തി എല്ലാവരെയും ഒഴിപ്പിച്ചു. ബോംബ് സ്‌ക്വാഡും ഡോഗ് സ്‌ക്വാഡും പരിശോധന നടത്തി.
നാലുനില കെട്ടിടം മുഴുവൻ പരിശോധിച്ചിട്ടും സംശയാസ്പദമായി ഒന്നും കണ്ടെത്താനായില്ല. പരിശോധന ഒരുമണിക്കൂർ നീണ്ടു. ഇരിങ്ങാലക്കുട സ്വദേശി സോനു ജോൺസനാണ് വ്യാജസന്ദേശം പൊലീസിന്‌ നല്‍കിയതെന്ന് പൊലീസ് കണ്ടെത്തി.
ഇയാളുടെ പേരിൽ കേസെടുത്തു. പരിശോധനകള്‍ക്കുശേഷം പകല്‍ 1.30 ഓടെ ജീവനക്കാരെയും ആവശ്യങ്ങൾക്കായി എത്തിയവരെയും നഗരസഭാ കെട്ടിടത്തില്‍ പ്രവേശിപ്പിച്ചു.
A #bomb threat at the #municipal #office caused panic
