മരട് : (piravomnews.in) യാത്രക്കാരന് അപായ ചങ്ങല വലിച്ചതിനെത്തുടര്ന്ന് റെയില്വേ ഗേറ്റിന് കുറുകെ ട്രെയിന് നിന്നത് ഗതാഗതക്കുരുക്കിനിടയാക്കി.
ഞായര് രാവിലെ 8.10ന് തിരുനെട്ടൂര് ഭാഗത്താണ് സംഭവം. ചങ്ങല വലിച്ചതിനെത്തുടര്ന്ന് തിരുനെല്വേലി ബിലാസ്പുര് എക്സ്പ്രസാണ് റെയില്വേ ഗേറ്റിന് കുറുകെ നിന്നത്. അപ്രതീക്ഷിതമായി ട്രെയിൻ നിന്നത് യാത്രക്കാരെ പരിഭ്രാന്തിയിലാക്കി.
സമീപവാസികളും ഓടിക്കൂടി. എൻജിൻ ഭാഗം തിരുനെട്ടൂർ മഹാദേവക്ഷേത്രത്തിന് വടക്കുഭാഗത്തായിരുന്നു. പിൻഭാഗം കുമ്പളം പാലത്തിനടുത്ത് തരകത്തിപറമ്പിലും. 40 മിനിറ്റോളം ഗതാഗതം തടസ്സപ്പെട്ടു. റെയിൽവേ ഉദ്യോഗസ്ഥരുടെ പരിശോധനയ്ക്കുശേഷം ട്രെയിൻ യാത്ര തുടർന്നു.
#Thirunettur got into a #traffic jam after the #passenger #pulled the #wrong #chain