തൃക്കാക്കര : (piravomnews.in)കാക്കനാട് രാജഗിരി കോളേജ് ഓഫ് മാനേജ്മെന്റ് ആൻഡ് അപ്ലൈഡ് സയൻസസിലെ വിദ്യാർഥികളുടെ നേതൃത്വത്തിൽ നിർമിച്ച രണ്ടാമത്തെ സ്നേഹവീടിന്റെ താക്കോൽ കൈമാറി.
കുലശേഖരമംഗലത്ത് നിർമിച്ച വീടിന്റെ താക്കോൽ ചിറ്റലപ്പിള്ളി ഫൗണ്ടേഷൻ മാനേജർ ജി ദീപക്, പ്രൊജക്ട് കോ-–-ഓർഡിനേറ്റർ ഡോ. എ പി സൂസമ്മ, കോളേജ് അസോഷ്യേറ്റ് ഡയറക്ടർ അജീഷ് പുതുശേരി എന്നിവർചേർന്ന് നൽകി.
ചിറ്റിലപ്പിള്ളി ഫൗണ്ടേഷന്റെയും കോളേജ് എൻഎസ്എസ് യൂണിറ്റിന്റെയും സഹകരണത്തോടെയാണ് രണ്ടു വീടുകളും പൂർത്തിയാക്കിയത്. ആദ്യത്തെ വീട് ഐരാപുരത്ത് നിർമാണം പൂർത്തിയാക്കി താക്കോൽ കൈമാറിയിരുന്നു.
എൻഎസ്എസ് കോ–--ഓർഡിനേറ്റർമാരായ ഡോ. വി എസ് ചന്ദ്രലാൽ, പി എസ് ഹിത, അധ്യാപകരായ ഗീതു ജോണി, അമല ലീനസ്, കെ എം അശ്വതി, ബി ഹീര, ശ്വേത അലക്സ് തുടങ്ങിയവർ സംസാരിച്ചു.
The #key to the #house of #love was #handedover