പറവൂർ : (piravomnews.in) ദേശീയപാത 66ൽ ഇടപ്പള്ളി–-മൂത്തകുന്നം റീച്ചിൽ പറവൂർ തോന്ന്യകാവിൽ അടിപ്പാതയുടെ തൂണുകൾക്കുമുകളിൽ ഗർഡറുകളും സ്ഥാപിക്കുന്ന ജോലി പൂർത്തിയായി.
എട്ട്‌ ഗർഡറുകളാണ്‌ സ്ഥാപിച്ചത്‌. നിരവധി അടിപ്പാതകളും പാലങ്ങളും വരുന്ന മൂത്തകുന്നം-–-ഇടപ്പള്ളി റീച്ചിൽ അടിപ്പാതയിൽ തൂണുകളുടെ മുകളിൽ ഗർഡർ സ്ഥാപിക്കുന്നത് ഇതാദ്യമാണ്.
ദേശീയപാത 66 നിർമാണത്തിന്റെ ഭാഗമായി മേൽപ്പാലങ്ങളുടെയും അടിപ്പാതകളുടെയും നിർമാണം വളരെവേഗത്തിലാണ് മുന്നോട്ടുനീങ്ങുന്നത്. എടയാറിലെ പ്ലാന്റിൽ കോൺക്രീറ്റ് ചെയ്ത ഗർഡറുകൾ വലിയ വാഹനങ്ങളുടെ സഹായത്തോടെയാണ് തോന്ന്യകാവിൽ എത്തിച്ചത്.
ഇനി ആദ്യഘട്ടത്തിൽ പൂർത്തിയായ മറ്റു അടിപ്പാതകളുടെ തൂണുകൾക്കുമേലെ ഗർഡറുകൾ സ്ഥാപിക്കുന്ന ജോലി തുടരും.
മെറ്റൽ, ഗ്രാവലിന്റെ കടുത്തക്ഷാമം നിർമാണപ്രവർത്തനങ്ങളെ ബാധിക്കുമോ എന്ന ആശങ്കയുണ്ടെങ്കിലും സർക്കാർ സഹായത്തോടെ പ്രതിസന്ധിധി മറികടക്കാനാകുമെന്ന പ്രതീക്ഷയിലാണ് നിർമാണ കമ്പനി അധികൃതർ.
#Construction of #National #Highway 66: #Installation of #girders has #started
