കൂത്താട്ടുകുളം കൂത്താട്ടുകുളം ഗവ. യുപി സ്കൂളിലെ സ്കൂൾ പാചകപ്പുര ഇനി ഹൈടെക്.
പച്ചക്കറി അരിയൽ, അരികഴുകൽ തുടങ്ങി പാചകംവരെയുള്ള ജോലികൾ സാങ്കേതികവിദ്യയുടെ സഹായത്തോടെയാക്കി. സമഗ്രശിക്ഷാ കേരളയാണ് പദ്ധതി നടപ്പാക്കിയത്. ജില്ലയിലെ സർക്കാർ സ്കൂളിൽ ആദ്യ ആധുനിക അടുക്കളയാണിത്.
അരി വേവിക്കാനും സാമ്പാറുണ്ടാക്കാനും പാൽ തിളപ്പിക്കാനുമുള്ള വിവിധ പാത്രങ്ങളിലേക്ക് സ്റ്റീമറിൽനിന്ന് പ്രത്യേക കുഴലുകൾവഴി നീരാവിയെത്തും. ഒന്നരമണിക്കൂർകൊണ്ട് 900 കുട്ടികൾക്കുള്ള ഉച്ചഭക്ഷണം റെഡി.
മുമ്പ് ഏഴിന് പാചകം തുടങ്ങിയാൽ പന്ത്രണ്ടോടെയാണ് ചോറും രണ്ട്, മൂന്നുകൂട്ടം കറികളും പാലുമെല്ലാം തയ്യാറായിരുന്നത്. ഇപ്പോൾ രണ്ടുമണിക്കൂർകൊണ്ട് പാചകം തീരും.
സ്റ്റീമർ സിസ്റ്റം, പാചകത്തിനുള്ള വെസലുകൾ, അരികഴുകൽ മെഷീൻ, പച്ചക്കറി അരിയൽ മെഷീൻ, ഗ്രൈൻഡർ, മിക്സി ഉൾപ്പെടെ സംവിധാനങ്ങൾ ഒരുക്കി.
അടുക്കളയുടെ പാലുകാച്ചൽ വ്യാഴം രാവിലെ 10ന് പാചകവിദഗ്ധൻ പഴയിടം മോഹനൻ നമ്പൂതിരിയും നവീക രിച്ച ഊട്ടുപുര ഉദ്ഘാടനം നഗരസഭാധ്യക്ഷ വിജയ ശിവനും നിർവഹിക്കും.
#Koothattukulam Govt. The #school #kitchen of UP #school is now #high-tech