കൊച്ചി : (piravomnews.in) പിറന്നാൾ സമ്മാനമായി ബൈക്ക് വാങ്ങാൻ അമ്മയ്‌ക്കൊപ്പം എത്തിയ യുവാവ് ടെസ്റ്റ് ഡ്രൈവിനിടെയുണ്ടായ അപകടത്തിൽ മരിച്ചു.
വരാപ്പുഴ മുട്ടിനകം കണ്ണാത്തറയിൽ നിധിൻ നാഥനാണ്‌ (23) മരിച്ചത്. ബുധൻ പകൽ 12.30നാണ്‌ അപകടം. അമ്മ ഷൈനിയെ വൈറ്റിലയിലെ കെടിഎം ഷോറൂമിലിരുത്തിയശേഷം ടെസ്റ്റ് ഡ്രൈവിനായി കടവന്ത്ര ഭാഗത്തേക്ക്‌ പോയതായിരുന്നു നിധിൻ.
എളംകുളം മെട്രോ സ്‌റ്റേഷനടുത്തെത്തിയപ്പോൾ ബൈക്ക് മെട്രോയുടെ 825–-ാംപില്ലറിൽ ഇടിക്കുകയായിരുന്നു. നിധിൻ സംഭവസ്ഥലത്ത്‌ മരിച്ചു. നിധിന്റെ കുറേക്കാലമായുള്ള ആഗ്രഹമായിരുന്നു സ്വന്തം ബൈക്ക്. ഇതിനായി പണം സ്വരൂപിക്കുകയായിരുന്നു.
അഡ്വാൻസ്‌ കൊടുത്തശേഷമാണ്‌ അമ്മയ്‌ക്കൊപ്പം ബുധനാഴ്ച ഷോറൂമിൽ എത്തിയത്‌. 15നാണ്‌ നിധിന്റെ പിറന്നാൾ. കളമശേരി സ്‌കോഡ ഷോറൂമിലെ മെക്കാനിക്കാണ്‌.
മൃതദേഹം പോസ്റ്റ്‌മോർട്ടത്തിനുശേഷം ബന്ധുക്കൾക്ക്‌ വിട്ടുനൽകും. സംസ്കാരം വ്യാഴം പകൽ മുട്ടിനകം സെന്റ്‌ മേരീസ്‌ പള്ളി സെമിത്തേരിയിൽ. അച്ഛൻ: കാശിനാഥൻ ദുരൈ. സഹോദരി: നിഖിന.
Came to buy a bike as a #birthday #present; The #youngman died during the test drive
_(9).jpeg)
