പിറവം : (piravomnews.in) കിഴുമുറി വാലുംപുറം പാടശേഖരം ഗ്രാമീണ ടൂറിസംകേന്ദ്രമാകാൻ ഒരുങ്ങുന്നു.
സിപിഐ എം ഉള്ളേലിക്കുന്ന് ബ്രാഞ്ച് നവകേരളസദസ്സില് നല്കിയ നിവേദനത്തിലെ ആവശ്യമാണ് യാഥാര്ഥ്യമാകുന്നത്. രാമമംഗലം, കിഴുമുറി, വാലുംപുറം പാടശേഖരപ്രദേശം ബുധനാഴ്ച ജില്ലാ ടൂറിസം പ്രൊമോഷന് കൗണ്സില് ഉദ്യോഗസ്ഥര് സന്ദര്ശിച്ചു.
രാമമംഗലം പഞ്ചായത്തിലെ 10, 11 വാർഡുകൾ ഉൾപ്പെടുന്ന പാടശേഖരത്തിന്റെ നടുവിലുള്ള വാലുംപുറം റോഡിൽ പ്രദേശവാസികളായ യുവാക്കള് ചേര്ന്ന് പൂച്ചെടികള് വച്ചുപിടിപ്പിച്ചിട്ടുണ്ട്. കുട്ടികള്ക്ക് കളിക്കാന് ഊഞ്ഞാലും കുടുംബസമേതം വന്നിരിക്കാന് ബെഞ്ചുകളും കാറ്റാടിയന്ത്രങ്ങളും സൗരോര്ജ ലൈറ്റുകളും സ്ഥാപിച്ചിട്ടുണ്ട്.
വൈകിട്ട് വിശാലമായ പാടശേഖരം കാണാനും വിശ്രമിക്കാനും കുടുംബസമേതം ധാരാളം ആളുകൾ എത്താറുണ്ട്. സിപിഐ എം ലോക്കൽ കമ്മിറ്റി അംഗങ്ങളായ എം സി അനിൽകുമാർ, ജിജോ ഏലിയാസ്, ബ്രാഞ്ച് സെക്രട്ടറി ജി രാജേഷ്കുമാർ, ഇ ജി പ്രേംകുമാർ, ടി കെ മധുസൂദനന്, ഇ കെ ഗോപാലൻ തുടങ്ങിയവർ ഉദ്യോഗസ്ഥർക്കുമുന്നിൽ പദ്ധതി വിശദീകരിച്ചു.
#Kisumuri #Valumpuram #Padasekaram is all set to become a rural #tourism hub