പിറവം : (piravomnews.in) സഹകരണ മേഖലയ്ക്കെതിരെ കേന്ദ്ര ഏജൻസികളും ബ്ലേഡ് കമ്പനിക്കാരും ചില മാധ്യമങ്ങളും ചേർന്നുയർത്തിയ കള്ളപ്രചാരണം സഹകാരികളും ജനങ്ങളും തള്ളിക്കളഞ്ഞതായി മന്ത്രി വി എൻ വാസവൻ.
എടയ്ക്കാട്ടുവയൽ സഹകരണ ബാങ്ക് എടയ്ക്കാട്ടുവയലിൽ നിർമിച്ച ബ്രാഞ്ച് ഓഫീസ് കെട്ടിടം ഉദ്ഘാടനംചെയ്ത് സംസാരിക്കുകയായിരുന്നു മന്ത്രി. 108.9 കോടി ഇതുവരെ ചികിത്സാസഹായം നൽകിയതായും മുറ്റത്തെ മുല്ല പദ്ധതിയിൽ ഇനിമുതൽ 25 ലക്ഷംവരെ വായ്പ നൽകുമെന്നും മന്ത്രി പറഞ്ഞു.
ബാങ്ക് പ്രസിഡന്റ് ജോൺ വർഗീസ് അധ്യക്ഷനായി. സ്വാപ് ഷോപ് പഞ്ചായത്ത് പ്രസിഡന്റ് കെ ആർ ജയകുമാറും റീഡിങ് റൂം ജില്ലാ ലൈബ്രറി കൗൺസിൽ നിർവാഹകസമിതി അംഗം പി ബി രതീഷും കുട്ടികൾക്കുള്ള ദിനസമ്പാദ്യപദ്ധതി ജില്ലാ പഞ്ചായത്ത് അംഗം കെ വി അനിതയും ഉദ്ഘാടനം ചെയ്തു.ജില്ലാ ജോയിന്റ് രജിസ്ട്രാർ സുജിത് കരുൺ വിവിധ മേഖലകളിലുള്ളവരെ അനുമോദിച്ചു.
സോഫ്റ്റ്വെയർ അപ്ഡേഷൻ, ബാങ്ക് സ്ട്രോങ് റൂം എന്നിവയുടെ ഉദ്ഘാടനവും നിക്ഷേപം സ്വീകരിക്കലും നടന്നു. എൻ യു ജോൺകുട്ടി, ബിജു തോമസ്, ജ്യോതി ബാലൻ, കെ ശ്രീരേഖ, കെ എ മുകുന്ദൻ, ബാങ്ക്സെക്രട്ടറി കെ എ ജയരാജ് എന്നിവർ സംസാരിച്ചു.
ചെത്തിക്കോട്ടിൽ പ്രവർത്തിക്കുന്ന ഹെഡ് ഓഫീസ് കൂടാതെ, ആരക്കുന്നത്തും എടയ്ക്കാട്ടുവയലിലും ബ്രാഞ്ചുകൾ ഉണ്ട്. എടക്കാട്ടുവയലിൽ വാടകക്കെട്ടിടത്തിൽ പ്രവർത്തിച്ചിരുന്ന ബ്രാഞ്ചാണ് ബാങ്കിന്റെ സ്വന്തം ഇരുനില കെട്ടിടത്തിലേക്ക് മാറ്റി പ്രവർത്തനം ആരംഭിക്കുന്നത്.
#EdakkattuWayal #Co-operative #Bank #Branch #Office #opened