പെരുമ്പാവൂർ : (piravomnews.in) കൊടുംചൂടിനെ പ്രതിരോധിക്കാൻ പക്ഷികൾക്ക് ദാഹജലം ഒരുക്കി ഇരിങ്ങോൾ വൊക്കേഷണൽ ഹയർ സെക്കൻഡറി സ്കൂളിലെ വിദ്യാർഥികൾ.
വേനലിൽ കുട്ടികളുടെ ആരോഗ്യം സംരക്ഷിക്കാൻ വിദ്യാഭ്യാസവകുപ്പ് പ്രഖ്യാപിച്ച വാട്ടർബെൽ പദ്ധതിക്ക് ഐക്യാദാർഢ്യമായാണ് പക്ഷികൾക്കും കുടിവെള്ളമൊരുക്കിയത്. വിദ്യാർഥികൾ വീട്ടിൽനിന്ന് കൊണ്ടുവന്ന ചോറ്റുപാത്രങ്ങളിൽ വെള്ളം നിറച്ച് സ്കൂൾ വളപ്പിലെ മരച്ചില്ലകളിൽ തൂക്കിയിട്ടു.
സമീപമുള്ള ഇരിങ്ങോൾ വനത്തിൽ കൂടുകൂട്ടിയിരിക്കുന്ന പക്ഷികൾക്കും പ്രയോജനം ലഭിക്കും. അതിഥിത്തൊഴിലാളികളുടെ മക്കളും യുകെജി വിദ്യാർഥികളായ വി ആർ ശ്രീരാഗ്, ആരാധ്യ സിങ്, ഗണേഷ് പ്രഥാൻ, എൽകെജി വിദ്യാർഥികളായ ഭാരിക സിന്ദർ, രോഹൻ കൗസർ എന്നിവരും ക്യാമ്പയിന്റെ ഭാഗമായി.
സ്കൂൾ പ്രിൻസിപ്പൽ ആർ സി ഷിമി, പ്രധാനാധ്യാപിക എം കെ ജ്യോതി, പിടിഎ പ്രസിഡന്റ് എൽദോസ് വീണമാലി, പി സമീർ സിദ്ദീഖി എന്നിവർ സംസാരിച്ചു.
#Students prepared #drinkingwater for the #birds to #resist the #heat