കൂത്താട്ടുകുളം : (piravomnews.in) കാക്കൂർ ഗ്രാമീണ വായനശാല ഡിജിറ്റലാകുന്നു. തിരുമാറാടി പഞ്ചായത്ത് വാർഷിക പദ്ധതിയിൽ ഉൾപ്പെടുത്തിയാണ് പദ്ധതി നടപ്പാക്കുന്നത്.
കംപ്യൂട്ടർ, പ്രിന്റര്, സ്കാനർ, ബാർകോഡ് സ്കാനർ, പ്രൊജക്ടർ, ഹൈസ്പീഡ് ഇന്റര്നെറ്റ് ഉൾപ്പെടെയുള്ള സൗകര്യങ്ങളോടെയാണ് പദ്ധതി നടപ്പാക്കിയത്. കംപ്യൂട്ടർ ഉൾപ്പെടെയുള്ള ഉപകരണങ്ങൾ പഞ്ചായത്ത് പ്രസിഡന്റ് സന്ധ്യമോൾ പ്രകാശ് കൈമാറി.
വായനശാലാ പ്രസിഡന്റ് കെ പി അനീഷ്കുമാർ അധ്യക്ഷനായി. സംസ്ഥാന ലൈബ്രറി കൗൺസിൽ അംഗം ജോസ് കരിമ്പന പദ്ധതി വിശദീകരിച്ചു.
പഞ്ചായത്ത് വൈസ് പ്രസിഡന്റ് എം എം ജോർജ്, പഞ്ചായത്ത് അംഗങ്ങളായ എം സി അജി, സി വി ജോയി, പി കെ വിജയൻ, സെക്രട്ടറി വി കെ ശശിധരൻ, വർഗീസ് മാണി തുടങ്ങിയവര് സംസാരിച്ചു.
#Kakur #Rural #Library goes #digital