പിറവം : (piravomnews.in) രാജാധിരാജ സെന്റ് മേരീസ് യാക്കോബായ സുറിയാനി കത്തീഡ്രലിൽ ദനഹാപ്പെരുന്നാളിന് ഡോ. മാത്യൂസ് മോർ ഇവാനിയോസ് മെത്രാപോലീത്ത കൊടിയേറ്റി.
ശനി രാവിലെ ഏഴിന് ദനഹാ ശുശ്രൂഷയ്ക്കും മൂന്നിന്മേല് കുര്ബാനയ്ക്കും ഐസക് മോർ ഒസ്താത്തിയോസ് മെത്രാപോലീത്ത മുഖ്യകാർമികത്വം വഹിക്കും. തുടർന്ന് ടൗൺ ചുറ്റി പ്രദക്ഷിണം, നേർച്ചസദ്യ.
പിറവം സെന്റ് മേരീസ് ഓർത്തഡോക്സ് വലിയപള്ളിയിൽ ഇടവക മെത്രാപോലീത്ത ഡോ. തോമസ് മാർ അത്തനാസിയോസ് കൊടിയേറ്റി. പേപ്പതി ചാപ്പലിൽ വെള്ളി രാവിലെ ഏഴിന് കുർബാന ഗീവർഗീസ് മാർ പക്കോമിയോസ് മെത്രാപോലീത്ത മുഖ്യകാർമികനാകും.
ശനി രാവിലെ 7.30ന് ദനഹാ പെരുന്നാൾ പ്രദക്ഷിണം, നേർച്ച. പിറവം ക്നാനായ കാതോലിക്ക ഫൊറോന പള്ളിയിലെ വിശുദ്ധ രാജാക്കൻമാരുടെ രാക്കുളിപ്പെരുന്നാളിന് വികാരി തോമസ് പ്രാലേൽ കൊടിയേറ്റി. വെള്ളി രാത്രി ഏഴിന് ടൗൺ ചുറ്റിയുള്ള പ്രദക്ഷിണം.
അതിരൂപത പാസ്റ്ററൽ കോ–-ഓർഡിനേറ്റർ മാത്യു മണക്കാട്ട് തിരുനാൾ സന്ദേശം നൽകും. ശനി രാത്രി ഏഴിന് എയ്ഞ്ചൽ വോയ്സിന്റെ ഗാനമേള.
The #beginning of the #festival in the #churches of #piravom