പിറവം : (piravomnews.in) പിറവം ഗവ. താലൂക്കാശുപത്രിയിൽ നിർമിച്ച പ്രവേശനകവാടവും മുറ്റം ടൈൽ വിരിച്ച് നവീകരിച്ചതും ബുധൻ വൈകിട്ട് 5.30ന് നഗരസഭാ അധ്യക്ഷ ഏലിയാമ്മ ഫിലിപ്പ് ഉദ്ഘാടനം ചെയ്യും.
ഉപാധ്യക്ഷൻ കെ പി സലിം അധ്യക്ഷനാകും. ഒപി വിഭാഗത്തിലേക്കും അത്യാഹിതവിഭാഗത്തിലേക്കും പ്രവേശിക്കാൻ രണ്ടു കവാടങ്ങളാണ് ഒരുക്കിയത്. വാഹന പാർക്കിങ്ങിനും സൗകര്യമൊരുക്കി.
തൊണ്ണൂറ്റിമൂന്നു കിടക്കകളുള്ള ആശുപത്രിയിൽ ഇഎൻടി, ഓർത്തോ, പീഡിയാട്രിക് തുടങ്ങി അഞ്ച് വിഭാഗങ്ങളിലായി 12 ഡോക്ടർമാരും 61 ജീവനക്കാരുമുണ്ട്.
ലാബ്, ഇസിജി, കേന്ദ്രീകൃത ഓക്സിജൻ വിതരണസംവിധാനവും എക്സ്റേ സൗകര്യങ്ങളും ലഭ്യമാണ്. 24 മണിക്കൂർ അത്യാഹിതവിഭാഗമുള്ള ഇവിടെ ദിവസേന ആയിരത്തിലേറെ രോഗികൾ ചികിത്സ തേടിയെത്തുന്നുണ്ട്.
#Piravam #taluk #hospital in #Pudhumodi; the #entrance #gate and the #courtyard have been tiled and #renovated #today
