പിറവം : piravomnews.in) പിറവത്ത് 20 മുതൽ 25 വരെ നടക്കുന്ന ജില്ലാ സ്കൂൾ കലോത്സവത്തിന് ആകെ 15 വേദികളുണ്ടാകും.
പിറവം സെന്റ് മേരീസ് ഓർത്തഡോക്സ് വലിയപള്ളി, ക്നാനായ കത്തോലിക്ക ചെറിയപള്ളി ഹാൾ എന്നിവയാണ് പ്രധാന വേദികൾ. എംകെഎം ഹയർ സെക്കൻഡറി സ്കൂളിൽ അഞ്ചുവേദികളുണ്ടാകും.
ഗവ. എച്ച്എസ്എസിൽ രണ്ടുവേദിയും സെന്റ് ജോസഫ് ഹൈസ്കൂളിൽ നാലുവേദിയും മാർ ഗ്രിഗോറിയോസ് ഓർത്തഡോക്സ് ചാപ്പൽ ഹാൾ, വലിയപള്ളി ചെറിയ പാരിഷ് ഹാൾ എന്നിവിടങ്ങളിൽ ഓരോ വേദിയും സജ്ജമാക്കും.
പ്രോഗ്രാം കമ്മിറ്റി ഓഫീസും മീഡിയ റൂമും പ്രവർത്തിക്കുന്ന എംകെഎം എച്ച്എസ്എസിലാണ് ഊട്ടുപുര. ആദ്യദിനം രചനാമത്സരങ്ങൾ അരങ്ങേറും. തുടർന്ന് മറ്റു മത്സരങ്ങളും നടക്കും.14 ഉപജില്ലകളിൽനിന്നായി എണ്ണായിരത്തോളം പ്രതിഭകൾ പങ്കെടുക്കും.
സബ്കമ്മിറ്റി യോഗത്തിൽ അജേഷ് മനോഹർ അധ്യക്ഷനായി. നഗരസഭാ അധ്യക്ഷ ഏലിയാമ്മ ഫിലിപ്പ്, കെ പി സലിം, സി കെ പ്രകാശ്, കെ ആർ നാരായണൻ നമ്പൂതിരി, സോമൻ വല്ലയിൽ തുടങ്ങിയവർ സംസാരിച്ചു.
#District #School #ArtsFestival; The #venue will open on 20th