പിറവം : (piravomnews.in) ജില്ലാ സ്കൂൾ കലോത്സവത്തിന് പഴയിടം മോഹനൻ നമ്പൂതിരി ഭക്ഷണമൊരുക്കും.20 മുതൽ 24 വരെ പിറവത്താണ് കലോത്സവം.
ഭക്ഷണവിതരണവും പാചകവും നടത്താൻ സൗകര്യമൊരുക്കിയിട്ടുള്ള പിറവം ക്നാനായ ചെറിയപള്ളി ഹാളും അടുക്കളയും പഴയിടം സന്ദർശിച്ചു.
കലോത്സവ സംഘാടകസമിതി വർക്കിങ് കമ്മിറ്റി ചെയർമാൻമാരായ നഗരസഭാ അധ്യക്ഷ ഏലിയാമ്മ ഫിലിപ്പ്, ഉപാധ്യക്ഷൻ കെ പി സലിം, ഭക്ഷണ കമ്മിറ്റി ചെയർമാൻ ഡോ. അജേഷ് മനോഹർ, അധ്യാപക പ്രതിനിധികളായ ഷാജി ജോർജ്, കെ കെ ശാന്തമ്മ എന്നിവരുമായി പഴയിടം ചർച്ച നടത്തി.
പായസം ഉൾപ്പെടെ ഒമ്പതുവിഭവങ്ങൾ ഉച്ചഭക്ഷണത്തിന് ഇലയിൽ വിളമ്പും. ദിവസം നാലായിരത്തോളം പേർക്ക് സദ്യയൊരുക്കും.
The district #school arts #festival will be #held; #food will be #prepared for the #arts #festival