പിറവം : (piravomnews.in) കനത്ത മഴയിലും കാറ്റിലും പിറവം നഗരസഭയിലെ എടയ്ക്കാട്ടുവയൽ പഞ്ചായത്ത് പ്രദേശങ്ങളിൽ വ്യാപകനാശം.
ഞായർ വൈകിട്ട് അഞ്ചരയോടെ മഴയോടൊപ്പം വീശിയടിച്ച കാറ്റിൽ പിറവം പൊലീസ് സ്റ്റേഷൻ വളപ്പിലെ വാക കടപുഴകിവീണു. പൊലീസ് കസ്റ്റഡിയിൽ സൂക്ഷിച്ചിരുന്ന കാറും ഓട്ടോറിക്ഷയും തകർന്നു. ആർക്കും പരിക്കില്ല. പേപ്പതി തിരുമറയൂർ വട്ടപ്പാറ റോഡിൽ വിവിധയിടങ്ങളിൽ മരം കടപുഴകിവീണു. കൃഷിനാശവും ഉണ്ടായിട്ടുണ്ട്.
തിരുമറയൂർ, വടയാപറമ്പ്, വെളിയനാട് ഭാഗത്ത് റോഡിൽ വീണ മരങ്ങൾ പിറവം അഗ്നി രക്ഷാസേന മുറിച്ചുമാറ്റി ഗതാഗതം പുനഃസ്ഥാപിച്ചു. പ്രദേശത്ത് വൈദ്യുതിവിതരണം പൂർണമായും മുടങ്ങി.കളമ്പൂർ കോട്ടപ്പുറം ഭാഗങ്ങളിലും കാറ്റ് നാശംവിതച്ചു.
കളമ്പൂരിൽ മരംവീണ് കാർ, സ്കൂട്ടർ എന്നിവ തകർന്നു. നാട്ടുകാരും അഗ്നി രക്ഷാസേനയും ചേർന്ന്‌ റോഡിൽനിന്ന്‌ മരങ്ങൾ വെട്ടിമാറ്റി. കൃഷിനാശവുമുണ്ട്.
#Heavyrains and winds caused widespread #destruction in the #Edakkattuvyal areas of #Piravam #municipality
.jpeg)
