---
title: "#kaladi |പുതുപ്പള്ളി ഉപതിരഞ്ഞെടുപ്പ് തർക്കത്തെത്തുടർന്ന് കാലടിയില്‍ ഒരാൾക്ക് വെട്ടേറ്റു"
english_title: "A #person was cut in the leg due to the #Pudupally #by-election dispute"
publisher: "piravomnews.in"
canonical_url: "https://piravom.truevisionnews.com/news/144307/a-person-was-cut-in-the-leg-due-to-the-pudupally-by-election-dispute"
published_at: "2023-09-06T17:07:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64f8653de8787_crime.jpg"
keywords: []
---

# #kaladi |പുതുപ്പള്ളി ഉപതിരഞ്ഞെടുപ്പ് തർക്കത്തെത്തുടർന്ന് കാലടിയില്‍ ഒരാൾക്ക് വെട്ടേറ്റു

> **Lead Summary:** **കാലടി :** പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തർക്കത്തെത്തുടർന്ന് ഒരാൾക്ക് വെട്ടേറ്റു. കാലടി പൊതിയക്കര സ്വദേശി കുന്നേക്കാടൻ ജോൺസനാണ് വെട്ടേറ്റത്. സിപിഎം പൊതിയക്കര ബ്രാഞ്ച് സെക്രട്ടറി കുന്നേക്കാടൻ ദേവസിയാണ് ആക്രമിച്ചതെന്ന് പരുക്കേറ്റയാൾ പറഞ്ഞു.

## Article Content

**കാലടി :** പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തർക്കത്തെത്തുടർന്ന് ഒരാൾക്ക് വെട്ടേറ്റു. കാലടി പൊതിയക്കര സ്വദേശി കുന്നേക്കാടൻ ജോൺസനാണ് വെട്ടേറ്റത്. സിപിഎം പൊതിയക്കര ബ്രാഞ്ച് സെക്രട്ടറി കുന്നേക്കാടൻ ദേവസിയാണ് ആക്രമിച്ചതെന്ന് പരുക്കേറ്റയാൾ പറഞ്ഞു.

ദേവസിയെ പൊലീസ് കസ്റ്റഡിയിലെടുത്തു. തലയ്ക്ക് പരുക്കേറ്റ ജോൺസനെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ജോൺസൺ ലോറി ഡ്രൈവറാണ്. കഴിഞ്ഞ ദിവസങ്ങളിൽ പുതുപ്പള്ളിയിലെ ഭൂരിപക്ഷവുമായി ബന്ധപ്പെട്ട് തർക്കം ഉടലെടുത്തിരുന്നു.

ഇതിന്റെ തുടർച്ചയെന്നോണമാണ് ആക്രമണമുണ്ടായത്. ബൈക്കിലെത്തിയ മൂന്നംഗ സംഘമാണ് ആക്രമിച്ചതെന്ന് ജോൺസൻ പറഞ്ഞു. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.

### Related Links & Sources
- [Original Story Source](https://piravom.truevisionnews.com/news/144307/a-person-was-cut-in-the-leg-due-to-the-pudupally-by-election-dispute)